Цагдаагийн экс дарга нарт 2.6-3.5 жилийн хорих ял оноолоо

Долдугаар сарын 1-ний хэрэгт буруутгагдаад буй цагдаагийн экс дарга нар асан хошууч генерал Ч.Амарболд, цагдаагийн хурандаа О.Зоригт, Ш.Батсүх, дэд хурандаа Г.Ганбаатар нар өчигдөр Сүхбаатар дүүргийн шүүхээс ял оноов. Бүтэн хоёр өдрийн турш хаалттай үргэлжилсэний эцэст ийн шийдэлд хүрлээ. Шүүгдэгчдийг жирийн дэглэмтэй ангид ял эдлүүлэхээр болж Ч.Амарболд, Ш.Батсүх нарт 6.6 жил өгөөд өршөөлийн хуульд хамруулож 3.6 жил болгосон байна. Харин О.Зоригтод 5.6 жил оноож өршөөлийн хуулиар 2.6 жил болгон бууруулсан байна. Дэд хурандаа Г.Ганбаатарыг биеэр эдлэх шаардлагагүй гэж үзээд хэргийг хэрэгсэхгүй болгосон байна.