“Лидер сурагч” цогц сургалт

Монголын сурагчдын холбоо үндэсний өв соёлыг өвлүүлэх зорилготой, чадварлаг манлайлагч сурагчдыг бэлтгэх, хүүхдийг хүүхдээр нь дамжуулан хөгжиж хүмүүжих “Өсвөрийн 333 сургагч багш” бэлтгэх үндэсний хөтөлбөр нь Ерөнхийлөгчийн дэмжлэгтэйгээр 2010 оноос эхлэн гурав дахь жилдээ зохиож байна. Энэ удаагийн хөтөлбөрийг зургаан сарын 10-наас наймдугаар сарын 10 хүртэл зохион байгуулах юм.  Санхүүгийн боловсрол олгох хөтөлбөр илтгэх урлаг, ногоон дэлхий аялал, Монголын өв уламжлал, ёс заншлаас суралцах, авьяасаа нээх талаар хөгжих клубууд, ерөнхий эрдмийн “Лидер сурагч” хөтөлбөр, олон улсын хэлний болон мэдээлэл зүйн боловсрол олгох хөтөлбөрт хамрагдан сурч боловсрон өөрийгөө хөгжүүлэх боломжтой юм байна. Энэ жилийн арга хэмжээний нэг онцлог нь Хятад улсын шилдгээр шалгарсан Өвөрмонгол сурагчид хамрагдах ба амжилттай төгсч шилдгийн шилдгээр шалгарсан хоёр сурагчийг Хятадын дээд сургууль болон дунд сургуульд 100 хувийн тэтгэлгээр сургах ажээ.