Өнөөдрийн буюу 2012 оны 5 сарын 23 өдрийн Singapore Straits Times сонин дээр тэнд ажилладаг монгол хүн “Marina Bay Sands” казинод покер тоглож байгаад казиногийн дилерийг залилах үйлдэл хийж 4.000 сингапур доллараар торгуулсан тухай мэдээлэл гарчээ. Сингапурт ажилладаг “Монголын хөлөг онгоцны бүртгэл” компанийн захирал, 44 настай Хорлоогийн Халиун гэгч энэ эр дээрх хэргийг үйлдсэн байна. Тэрээр энэ оны 3-р сарын 14-ний өдөр гурван картны покер тоглож байхдаа дилерийг хөзрөө дэлгэсний дараа өөрийн тавьсан бооцоон дээр нэмж тавихыг оролджээ. Энэ нь нэг бус удаагийн үйлдэл гэдгээ өөрөө ч хүлээн зөвшөөрсөн бөгөөд түүний хуульч өчигдөр болсон шүүх хурал түүнийг тухайн хэргээ үйлдэхдээ согтууруулах ундаа ихээр хэрэглэсэн байсан тул … хэмээн тайлбарласан байна.
Өмнө нь яруу найрагч, өдгөө “Үнэн” сонины эрхлэгчээр ажиллаж буй Ж.Мөнхбат тэргүүтэй манайхан Солонгосын казинод нүд болтлоо шившгээ дэлгэж байсан гашуун түүх бий. Тэгвэл энэ удаад Х.Халиун гэгч энэ эр ийн манаргаж явна. Энэ бүхний эцэст Х.Халиуны бус бидний монголын нэр гарна шүү дээ.
Сэтгэгдэл байхгүй байна