Аваргын сэтгэлийг зүрхэндээ аргамжина

“Нэг л амьдрах жамтайгаас хойш амьдарсан шиг амьдрах сайхан шvv дээ” хэмээх үг  Н.Түвшинбаяр аваргын “брэнд” ишлэл. Үнэхээр ч тэр эх орныхоо нэрийг дэлхий дахинд цуурайтуулж Монгол түмнийг уул устай нь өндөлзүүлж, энгүй их баяр цэнгэлд умбуулсан хийморьлог аавын золбоот хүү. Гэр бүлийн хувьд ч түүний амьдрал их хөрөнгөн дунд бялхан буй гэдэгтэй маргах хүн үгүй биз ээ. Олимпийн аварга хэмээх барагтай аавын хүү хүрэхгүй тэр оргилд гуйж биш гуядаж хүрэн, ид хаваа гайхуулсан Үндэсний баатрын гэргий Б.Оюунбилэг хэмээх үзэсгэлэн, намба төгс бүсгүй бий. Эрдэнэт хотноо 10 жилийн сургуулиа дүүргэсэн, намтар түүх багатай ч аргагүй аваргын эхнэр гэдгээ харуулж хэвлэлийн хуудсыг хаа нэг чимдэг. Хоньчин Найдангийн хүүтэй хэн ч биш нэг тамирчин байхад үерхэж, олимпийн аварга болсных нь дараа хуримаа хийсэн хосууд хоёр хүүхэдтэй. Бүсгүй амьтан л болсон хойно бөө удганд шүтлэгтэй, гэр бүл, амьдралаа тэнгэрт даатгадаг аваргын гэргий тун ч сүсэг бишрэлтэй нэгэн гэдэг. Ядаж байхад олимпийн аварга хэмээх том цолтой, залуу халуун эр нөхрийнх нь олонд ил тод зарлагдсан утсанд ирэх дурлалын мессежүүд Б.Оюунбилэг хатагтайг ийн бөө удган тийш жим зам гартал гүйх нэг шалтгаан болдог гэх. Уг нь аварга хүн аваргаараа л байвал сайхан даа...