Монголын хүчтэй boy band-уудын нэг “Номин талст”-ын дөрөв Хаазааг эс тооцвол хаа очиж гэр бүлийн тал дээр тогтвор суурьшилтай, үлгэр жишээ залуус. Хамтлагийн ахлагч Д.Батсүх энэ удаад бүл нэмэх гэж байгаа бөгөөд гэргий Н.Жаргалан нь хөл хүнд болсноо тун ч их нууцалж байгаа аж. Нэрт өмгөөлөгч Ж.Нарангэрэлийн эрх танхи ууган охин Н.Жаргалан хатагтай цагтаа загварын тайзнаа моод үзүүлж явсан жаатай бүсгүй. МУИС-ийг сэтгүүлч мэргэжлээр дүүргэсэн тэрээр дараахан нь Францад мэргэжил дээшлүүлж байсан. Анхны охин Танангаа арван жилийн ширээнээс босоогүй шахуу байхдаа төрүүлж, нэрт өмгөөлөгчийг залуугаар нь өвөө болгож байсан энэ хатагтай Д.Батсүхтэй суугаад ёстой канондсон мэт адилхан хүү төрүүлж өгсөн нь аавтайгаа хамт сүүний рекламанд тоглож олонд танигдаж байв. Анхны амьдралаа “шар” Баясаа хэмээх залуутай эхлүүлж, хүүхэд залуу насны хиргүй хайраар холбогдож явсан Н.Жаргалангийнхаа араас Д.Батсүх ёстой шөрмөсөө дундартал гүйж байж, өөрийнх болгосон гэдэг. Тийм л халуун хайраар холбогдсон хосууд өдгөө бизнес нь одтой байж, тун ч хангалуун амьдардаг гэдэг.
Сэтгэгдэл байхгүй байна