Хэдий хар залуугаараа, юу ч хийгээгүй байж Төрийн соёрхолт хэмээх том цол авлаа хэмээгдэн, чамгүй чичлүүлсэн ч гэлээ өнөөдөртөө Д.Болд шиг стар манайд байхгүй байгаа нь үнэн юм. Урлагийн хүн гээд бадар барьж бусдыг царайчилдаггүй, В продакшн болоод өөрийн соло уран бүтээл, нэр алдраараа хангалуун чинээлэг амьдарч буй энэ эр хувцаслалт, брэндийн хэрэглээгээрээ хүртэл Холливудын оддын хэмжээнд хүрэхгүй ч манайдаа л толгой дээгүүр жинхэнэ одын хэмжээнд амьдарч буй. Хамтлагийнхаа хамгийн төлөв гишүүн Эбагийнхаа гэргий Ж.Бямбасүрэн хатагтайн төрсөн дүү, хөөрхөн, булцгар төрхөөрөө эгдүү хүргэдэг Ж.Бямбажав хэмээх нугараач бүсгүйтэй хуримлаж, хосууд заяаны ханиудын түвшинд аз жаргал дүүрэн амьдардаг. Төрийн соёрхолтод Эгшиглэн охин, Энэрэлэн хүү төрүүлж өгсөн хатагтай Ж.Бямбажав энэ удаад эр нөхрийнхөө одон тэмдгийг дахин нэг хүүгээр мялаалаа. Өнгөрсөн 4-р сарын 24-ны өдрийн 15 цагт мэндэлсэн хүү 3,300 кг жинтэй төрсөн бөгөөд Монголын шилдэг эмч нарыг өөртөө урвуулж амжсан “Гурван гал” эмнэлэгт амаржихдаа гавьяат эмч Б.Үйлстээр хүүгийнхээ хүйг боолгожээ. Ууган хоёроо ч Б.Үйлст эмчээр эх бариулсан хосууд энэ буянтай эх баригч эмчийг гэсэндээ “Гурван гал”-ыг зорьсоноо учирласан байна. 
Сэтгэгдэл байхгүй байна