Өнөө цагийн жанжин

Бүжигчин С.Сүхбаатар гэхээр танихгүй хүн байхгүй биз. Тэр дундаас “Хар сарнай” хамтлагын Амраагын аав гэвэл бүр ч андахгүй. Насаараа урлагт зүтгэж яваа үндэсэрхэг үзэлтэй нэгэн гэдэг. Тиймдээ ч тэр Төрийн соёрхолт, урлагийн гавьяат зүтгэлтэн, найруулагч, бүжиг дэглээч гээд олон шагнал гуншин авсан гавьяатай нэгэн билээ. Тэрээр би л бүжигчин гэсэн шиг хөнгөн шингэн алхаатай цог золбоогоо алдаагүй хэвээр.Хаана л урлагийн тоглолт, бүжгийн уралдаан болно тэнд л Сүхбаатар гуай явж байх юм. Тэрбээр саяхан болсон тоглолтон дээр Жанжин Сүхбаатарын хөрөг дээр  өөртэйгөө адилхан байна уу гээд л өмнө нь зогсож зурагаа татуулж байсан нь манай зурагчны дуранд өртсөн юм. Тухайн үед бүх цэргийн жанжин Д.Сүхбаатар эх орныхо төлөө ихийг хийж явсан бол өдгөө МУ-ын төрийн соёрхолт, УГЗ С.Сүхбаатар улс орондоо өөрийн хувь нэмэрээ оруулсан хүн төдийгүй гэр бүлээрээ урлагт хүч үзэж яваа гэдгээрээ онцлогтой нэгэн юм.