Жессика Алба “өнгөжсөөр” л…

Жессика Алба 2008 онд анхны охин Онор Мэригээ төрүүлж ээж байх үүргийг ухамсарлаж илүү ихээр урам зоригтой амьдрах болсон гэж ярьж байсныг тод санаж байна. Тэрээр өнгөрсөн 8 дугаар сард Хэвэн Гарнер охиноо өлгийдөж авсанаар улам л өнгөжиж өмнөхөөсөө ч илүү үзэсгэлэнтэй болж буйг олон хүн гайхан бишрдэг. Холливудын залуухан од хүүхдүүддээ анхаарал тавихаас гадна  нь  шинэ төслийн “ээж” нь болох үүрэг ноогдоод байгаа гэнэ. Тэрээр  саяхан цахим худалдааны “The Honest” (honest.com) компанийг үүсгэн байгуулжээ. Түүний компани ээжүүдэд зориулж ямар ч хор хөнөөлгүй, байгалийн гаралтай, чамин хүүхдийн хэрэглэл, живх, арьс арчилгааны бүтээгдэхүүнүүд, гэр ахуйн бараанууд борлуулж эхлээд байгаа аж. Анх охиддоо юм авч өгөхөөр тэр болгон нь химийн бодис орсон байдгаас үүдэн энэ санаа түүнд төрсөн гэдэг.