Төрийн нууц

Ж.Энхбаяр Батлан хамгаалахын сайд болоод удаагүй байхдаа “Үймээн болбол цэрэг хөдөлгөнө” гэх агуулгатай зүйл ярьж, “Нийгмийн айдаст автуулсан” гэх үндэслэлээр Э.Бат-Үүл, Р.Гончигдорж нар огцруулах хүсэлт УИХ-д тавьж, дэлхийн хамгийн богино хугацаанд суусан сайд болох шахсан. Азаар МАН-ын ах нар нь өмөөрч, өмөлзсөөр байгаад аваад үлдсэн ч мань хүний эхлүүлсэн төрийн нууц түмэн дунд түгээд байгаа сурагтай. УИХ-ын гишүүн Р.Гочигдорж “Ж.Энхбаяр улсын нууц задруулсан” хэмээн Ерөнхий сайдад асуулга тавьсан билээ. Тус асуулгад Сайд Ж.Энхбаярыг огцруулахтай холбоотой асуудлыг УИХ дахь АН-ын бүлэг хэлэлцэх үед мэргэн буучидтай холбоотой мэдээллийг тараасан байна. Энэхүү мэдээлэл нь бүлгийн гишүүдэд тараад зогсохгүй, өдөр тутмын сонинд бүрэн эрхээрээ нийтлэгдэж төрийн нууц нь замхарав бололтой.