Бухимдал

Монгол реппер Gee буюу Т.Мөнх-Эрдэнэ гэдэг залууг манайхан андахгүй. Хараал ерөөлийг харин ч нэг урсгаж өгдөг мань хүн Монголд ганцаараа хараал хэлдэггүй гэнэ шүү.  Тэр бас мэдээ огт үздэггүй гэсэн. “Хүмүүс зарим талаараа араатан шиг болж байна. Мэдээ үзэхээр “тийм хүнийг тэгж гэртэй нь шатаалаа”, “хэдэн арван тоогоор нь хутгалж аллаа”  л гэнэ. Аймаар аймаар юм гарна” хэмээн Gee гундуухан ярьж суудаг аж. Ийн гутарсан сэтгэл, бухимдалаа тайлах гэж л тэр хараалын үгсийг хаа сайгүй урсгадаг бололтой. Өөрөө ч энэ талаар нуудаггүй. “Монголд ганцаараа хараал хэлдэг хүн нь би биш. Бүгдээрээ л хараал хэлдэг. Надад энэ хараалыг орчин тойрон, нийгэм чинь зааж өгсөн. Тиймээс энэ нийгмийн зааж өгсөн хараалыг бид нийгмийн буруу зүйлийг хэлэхдээ буцаагаад өөрт нь хэлж байгаа юм.” хэмээсэн нь түүний бодлыг тайлаад өгөх биз ээ.