Онон чи ямар үзээрийн юм бэ?

Цагтаа эрчүүдийг хүртэл дурлуулж явсан алаг нүдэн Н.Ононг “Х ТҮЦ” хамтлагийн ахлагч гэдгээр нь хүмүүс андахүй биз ээ. Тормогор алаг нүдтэй, аальгүй гэмээр төрхтэй тэрээр өөрийн бие хаа, царайгаараа амжилтанд хүрсэн болохоор бахархаж явдаг аж. Тиймээс өөрийгөө намхан, царай муутай энэ тэр гэж огтхон ч боддоггүй өөдрөг үзэлтэй нэгэн юм байх. Харин махлаг мяраалаг үеийнхээ бичлэгийг үзээд жаахан сэтгэл дундуур байдаг бөгөөд  “Онон чи ямар үзээрийн байсан юм бэ” хэмээн уулга алддаг гэнэ шүү. Тиймдээ ч мань хүн ид залуухан явсан тэр мяраалаг Ононгоос нилээд жин хассан сурагтай.