Эхнэрийн тэнгэртэй эр

Их спорттой амьдралаа холбож, цэл залуу насаа зориулсан С.Эрхэмбаяр начин 1990 оны самбо бөхийн ДАШТ-ээс мөнгөн медаль ихэрлүүлээд дэвжээгээ орхисон гэдэг. Дөнгөж 22 насандаа 1982 оны их баяр наадамд зодоглож улсын начин цол хүртсэн тэрээр тухайн үед  жүдогийн ОУ-ын тэмцээний бэлтгэл базааснаас бус улсын наадамд барилдах ямар ч бодолгүй явсан гэнэлээ. Урлаг, спортыг хослуулж яваа энэ эрхэм саяхан МУГЖ хэмээх эрхэм цолоор энгэрээ мялаагаад буй. Тэрээр олон сайхан уран бүтээлээр ард түмэндээ бэлэг барьсны сацуу уртын дуучдын улсын уралдаанд хоёр удаа түрүүлсэн, "Үхэж үл болно Чингис хаан" кинонд дүр бүтээсэн гээд л тоочиж үл барам гуншин түүнд бий. Шинэхэн гавьяат маань дууны 30 гаруй шүлэг, хэд хэдэн аялгуу зохиосон урлагийн асар их мэдрэмжтэй хүн гэдэг. Бээжингийн олимпийн үеэр ОУОХ-ноос зохиосон олимпийн сэдэвт дууны уралдаанд хөгжмийн зохиолч Бямбабаяртай хамтран оролцож түүний бүтээл шалгарсан нь үүнийг гэрчилнэ бизээ. Харин гавьяатын гэр бүлийн амьдрал тийм ч таатай бус.  Эхнэрийн тэнгэртэй эрсийн жагсаалтанд зүй ёсоор багтдаг. Дуу хуурын өлгий нутгийн бүсгүй МУГЖ Б.Сарантуяатай олон жил ханилсан ч тэд өнгөрсөн онд өрх тусгаарлаж тэр даруйдаа л Эрхэмээ гавьяат өөр нэгэн бүсгүйг дагаж одсон. Сонирхуулахад хоёр гавьяатын Байгаль хэмээх охин саяхан хуримаа хийсэн нь олны анхаарлыг татаад буй.