Титэмгүй топууд ¹2

Бас л албан ёсоор топ өргөмжлөлгүй ч тэднийг топ модель хэмээх тодотгол ёс мэт дагадаг. Хоёулаа нэг үеийн загвар өмсөгчид. Бас нэг ижил тал нь хоёулаа Монгол туургатан миссийн тэмцээнд оролцож байр эзэлж байцгаасан. Оюунтуяа 1997 онд, харин хойтон нь Байгаль нар тус тус Шилдэг загвар өмсөгчөөр шалгарч байв. Оюунтуяа дүр төрх, нүүц царай талдаа илүүрхдэг модель бөгөөд нурууны чацаараа ч дээгүүрт жагсдаг тэрээр хэнийг ч дагуулахгүй загвар өмсөгч байсныг хэн хүнгүй мэднэ. Монголын анхны мистер Баянхүүтэй хамтран амьдарч байгаад холын Германыг зорьсон тэрээр тэндээ суурьшсан.
Харин хатагтай Байгалийн тухайд мисс чиг, модель чиг, бас л хос морьтой топ. Бас жүжиглэнэ. Залуу насаа тэр лав зүгээр нэг өнгөрөөгөөгүй. Runway model ангилалд илүү тохирох тэрээр одоо жинхэнэ бизнес хатагтай болсон. Монголын анхны алжаал тайлах гоо сайхны цогц төвийг өөрийн нэрээр байгуулсан нь өөрийн нэрийг брэнд болгож ашигласан цорын ганц загвар өмсөгч юм уу даа. УИХ-ын эрхэм гишүүн Ч.Сайханбилэгийн гэргий тэрээр даруухан амьдарч, бизнес эрхлэхээс ч өөр аргагүй биз ээ.