Forbes сэтгүүлээс 2025 оны хамгийн өндөр орлоготой холливудын жүжигчдийн жагсаалтыг танилцууллаа. Кино театруудын орлогоос гадна стриминг платформууд, киноны ашиг, сурталчилгаа гэх мэт зүйл жүжигчдийн орлогын гол эх үүсвэр болдог. Тэгвэл хамгийн өндөр орлоготой жүжигчдийг Netflix-ийн хаан Adam Sandler, Marvel-ийн супер од Scarlett Johansson, бүсгүйчүүдийн краш Brad Pitt жагсаалтыг өнгөлөв
1.Adam Sandler: 48 сая ам.доллар
Инээдмийн киноны хаан гэгддэг Adam Sandler Forbes-ийн хамгийн өндөр орлоготой жүжигчдийн жагсаалтыг тэргүүллээ. Өдгөө 60 настай Адам олон жилийн турш Netflix-тэй хамтран ажиллаж буй. Мөн “Happy Madison” продакшнаар дамжуулан бүтээдэг кинонууд нь түүнийг Холливудын хамгийн тогтвортой орлоготой оддын нэг болгожээ. Түүний тоглосон алдартай бүтээлүүдээс дурдвал: 50 First Date, Click, Grown Ups, Just Go With It гэх мэт кинонууд юм.
2. Tom Cruisе: 46 сая ам.доллар
Холливудын хамгийн өндөр үнэлгээтэй action жүжигчдийн нэг. Том Круз 64 настай бөгөөд Mission: Impossible цуврал, Top Gun: Maverick , The Last Samurai , Edge of Tomorrow гэх кинонуудаар олонд танигдсан. Тэрбээр Холливудын хамгийн эрсдэлтэй хэсгүүдийг өөрөө гүйцэтгэдэг гэдгээрээ алдартай. 40 гаруй жилийн турш кино урлагийн салбарт ажилласан түүний киноны ашиг хуваах гэрээ, бокс оффисын орлого зэрэг нь энэ жагсаалтын 2-т эрэмблэгдэхэд нөлөөлсөн.
3. Mark Wahlberg: 44 сая ам.доллар
Өдгөө 55 настай Mark Wahlberg анх уран бүтээлийн гараагаа жүжигчнээр биш, Marky Mark нэртэй репперээр эхлүүлж байжээ. Тэрбээр Transformers: Age of Extinction, Transformers: The Last Knight , The Departе зэрэг цувралуудаар олонд танигдаж байв. Түүнчлэн жүжиглэхээс гадна кино, телевизийн томоохон продюсер болсон нь түүний орлогыг эрс өсгөсөн байдаг.
4. Scarlett Johansson : 43 сая ам.доллар
Өдгөө 42 настай Scarlett Johansson нь жүжиглэхээс гадна продюсерын ажилд идэвхитэй оролцож байгаа бөгөөд дэлхийн хамгийн өндөр орлого олсон кино франчайз болох Marvel-ийн гол оддын нэг юм.
Түүний тоглосон алдартай бүтээлүүд: Avengers , Lucy , Marriage Story , Ghost in the Shell зэрэг юм.
5. Brad Pitt 41: сая ам.доллар
Brad Pitt нь зөвхөн жүжигчин биш мөн адил чадварлаг продюсеруудын нэг. Түүний байгуулсан Plan B Entertainment компани олон Оскарын шагналт киног бүтээсэн бөгөөд энэ нь орлогынх нь чухал эх үүсвэр болсоор байна. Тэрээр Troy, Fight Club , World War Z, Bullet Train , Once Upon a Time in Hollywood гэх мэт бүтээлээр алдаршсан. Brad Pitt 2020 онд Once Upon a Time in Hollywood киногоороо анхны жүжигчний Оскарын шагналаа хүртсэн. Харин продюсерын хувиар 12 Years a Slave, Moonlight зэрэг Оскарын шилдэг кино болсон бүтээлүүдийг санхүүжүүлэн ажилласан.
6. Denzel Washington :38 сая ам.доллар
Хоёр удаагийн Оскарын шагналт Denzel Washington холливудын хамгийн нэр хүндтэй драмын жүжигчдийн нэг. Өдгөө 72 настай тэрбээр, The Equalizer цуврал, Training Day , Man on Fire, American Gangster , Remember the Titans, Gladiator II , Highest 2 Lowest зэрэг бүтээлүүдээрээ алдаршсан. Denzel Washington-ы тоглосон кино бүр нь кино шүүмжлэгчид болон үзэгчдээс өндөр үнэлгээ авч ирсэн байдаг.
7. Jack Black: 28 сая ам.доллар
58 настай Jack Black нь инээдмийн кино, анимейшн, хөгжим гэх мэд салбаруудад дараалан амжилт гаргасан цөөн жүжигчдийн нэг юм. Тэрбээр Kung Fu Panda , School of Rock , Jumanji, King Kong , A Minecraft Movie гэх зэрэг кинонд тоглосноор дэлхийд танигдсан. Хамгийн сүүлд Jack Black 2025 онд киноны франчайзуудад тоглосноор орлого нь эрс нэмэгдсэн байдаг.
Сонирхуулахад, Jack Black нь Tenacious D рок хамтлагийн гоцлол дуучин бөгөөд YouTube-ийн Jablinski Games сувгийг сая сая хүн дагадаг.
8. Jason Momoa :28 сая ам.доллар
Өндөр нуруу, өвөрмөц төрхөөр ялгардаг Jason Momoa сүүлийн жилүүдэд Холливудын хамгийн эрэлттэй жүжигчдийн нэг болсон.
Олны хамгийн сайн мэдэх Aquaman болон Game of Thrones , Dune, Fast X , гэх мэт киногоор дэлхийд танигдсан. Тэрбээр хавайн уугуул болон Европ гаралтай бөгөөд байгаль хамгаалах үйл ажиллагаанд идэвхтэй оролцдог гэнэ шүү.
9. Daniel Craig : 27 сая ам.доллар
Daniel Craig бол орчин үеийн хамгийн амжилттай James Bond дүрийг бүтээсэн жүжигчин. Bond-оос хойш илүү драм төрлийн кинонд төвлөрөн ажиллаж буй. Өдгөө 59 настай тэрбээр Casino Royale, Quantum of Solace , Skyfall , Spectre , No Time to Die , Knives Out гэх киногоор үзэгчид илүү мэдэх байх. Daniel Craig-ийн тоглосон Bond-ын таван кино нийтдээ хэдэн тэрбум ам долларын орлого олж чадсан юм.
10. Millie Bobby:26 сая ам.доллар
Энэ жагсаалтын хамгийн залуу жүжигчин болох 21 настай Millie Bobby Brown нь Stranger Things, Enola Holmes , Enola Holmes 2 , Godzilla: King of the Monsters , Godzilla vs. Kong, The Electric State гэх зэрэг томоохон уран бүтээлд тоглосноор олон нийтэд илүү танигдсан.. Тэрбээр 20 гаруйхан насандаа олон сая ам долларын хөрөнгөтэй болж Florence by Mills нэртэй гоо сайхны брэндээ олон оронд амжилттай борлуулж байгаа аж.
Сэтгэгдэл байхгүй байна