АНУ-д амьдарч боловсрол мэдлэгтээ анхаарах болсон Наро Банчэн гэгээнтэн эх орондоо Отгонтэнгэр хайрханы тахилгаар морилон саатаад байгаа. Гишгэсэн газарт нь цэцэг ургадаг гэмээр цэцэг шиг бүсгүйчүүдээр хүрээлүүлж олны хайрыг татдаг царайлаг гэгээнтэн өнөөдөр хоёр дах тахилгадаа оролцож байна.
Бурхан Халдун уулыг тахих төрийн ёслол ийн эхэллээ. Отгонтэнгэр хайрханы тахилгын дараа цас бороо холилдон орж бид зундаа сайхан өвөлжиж байна. Энэ жилийн дараалсан олон тахилгууд чухам ямар гайхамшиг үзүүлэхийг бид таашгүй. Орчин үеийн гэгээнтэн ямар байх ёстойг үлгэрлэж байгаа Наро Банчэн гэгээнтэн Стэнфорд Оксфордын сургуулиар уригдан гадны эрдэмтэдтэй уулздаг дэлхийн хүн болоод байгаа. Түүнийг хаа ч очсон ёслол төгөлдөр угтаж авч нэр хүнд нь арван зүгтээ дэлгэрчээ. Шарын шашин руу бэлтэй эрхмүүд брэнд цүнхтэй бүсгүйчүүд олноор хуйлрахад царайлаг гэгээнтний хувь нэмэр их ээ. Хотын гоё бүсгүйчүүд хөдөө нутгаар гэгээнтнээ дагалдан тахилгад оролцож харагдахгүй байх чинь. Наро Банчэн гэгээнтний гадаад дах үйл ажиллагаанд гоё бүсгүйчүүд олноор даган баясаж харагддаг.
Сэтгэгдэл байхгүй байна