Хэдхэн жилийн өмнө нарийн жийнс өмссөн эрэгтэй хүнийг шоолох, зэмлэх тохиолдол олонтоо байсан. Харин өнөөдөр дэлхийн хамгийн нөлөө бүхий загварын тайзнууд дээр яг тэр загвар дахин гарч ирж, загварын ертөнцөд томоохон маргаан дэгдээд байна.
Парис, Миланы загварын долоо хоногуудын үеэр дэлхийн шилдэг дизайнеруудын шинэ коллекц олны анхаарлыг нэг зүйлд төвлөрүүлжээ. Тэр нь өргөн өмд, том хүрэм, сул биш, харин эсрэгээрээ биеийн хэлбэрийг тодотгосон нарийн эсгүүртэй хувцаснууд байв. Сүүлийн арав гаруй жил “oversize” загвар ноёрхож, том хүрэм, өргөн өмд, сул футболк нь залуусын өдөр тутмын хэв маягийн нэг хэсэг болсон. Гэвч моод үргэлж өөрчлөгдөж байдаг. Өчигдөр хуучирсан зүйл өнөөдөр хамгийн том тренд болж чаддаг. Тэгвэл сүүлийн үед хүмүүс зөвхөн тухтай харагдахаас илүү өөртөө итгэлтэй, цэгцтэй, харагдахыг хүсэх болжээ. TikTok дээр “Skinny jeans comeback” гэх хаштаг сая сая хандалт авч, залуус шүүгээнээсээ 2010 оны загваруудаа гаргаж өмссөн бичлэг хийж эхлээд байна.
Сэтгэгдэл байхгүй байна