Бурхан багшийн Их дүйчин өдөр хийсэн буян, үйлдсэн нүгэл 10,000 дахин арвиждаг хэмээн бэлгэшээж, ном хурж, бусдад туслахыг хичээдэг

Бурхан багшийн Их дүйчин өдөр нь билгийн тооллын зуны тэргүүн сарын шинийн 15-нд тохиодог. Энэ өдөр Бурхан багш эхээс мэндэлсэн, төгс гэгээрлийн хутгийг олсон, нирваан дүрийг үзүүлсэн гурван их үйл явдал давхцдагаараа онцлог юм. Энэ жил  зуны тэргүүн сарын шинийн 15 энэ амралтын өдөр буюу тавдугаар сарын 31-нд тохиож буй. 

Учир холбогдол ба зан үйл

• Буян хураах: Энэ өдөр хийсэн буян, үйлдсэн нүгэл 10,000 дахин арвиждаг хэмээн бэлгэшээж, ном хурж, бусдад туслахыг хичээдэг.
• Цээрлэхүй: Амьтны амь таслах, архи дарс хэрэглэх, хэрүүл тэмцэл хийх, худал хэлэх зэрэг сөрөг үйлийг цээрлэж, цагаан хоол идэж, сэтгэлээ ариусгадаг. 
• Олон улсад: НҮБ-аас уг өдрийг олон улсын хэмжээнд хүлээн зөвшөөрч, дэлхийн өнцөг булан бүрт бумба тахиж, лам хуврагууд болон сүсэгтэн олон өргөн дэлгэр тэмдэглэдэг.