2023 оны дөрөвдүгээр сараас хойш хосын харилцаатай гэгдэж буй Кайли Женнер, Тимоти Шаламе нар NBA-ийн тоглолтуудад хамтдаа тогтмол үзэгдэх болсон. Энэ удаад ч тэд Нью-Йорк Никс болон Филадельфи 76ers багийн тоглолтыг хамтдаа үзэж, олны анхаарлыг татлаа.
2026 оны Met Gala өндөрлөснөөс хэдхэн хоногийн дараа Кайли Женнер сүйт залуу Тимоти Шаламетэйгээ Madison Square Garden-д хүрэлцэн ирсэн нь энэ. Met Gala дээр өмссөн тансаг Schiaparelli корсетон даашинзнаасаа тэс өөр, илүү энгийн атлаа дэгжин төрхийг тэр сонгожээ.
Кайли цагаан өнгийн Guizio брэндийн майк, улбар шар савхин хүрэм, том шигтгээтэй алмаазан ээмэг, мөн сүүлийн үед тренд болоод буй “it-girl” төрлийн EB Denim брэндийн хөх өнгийн жийнсээр гоёсон байв. Энэхүү жийнсийг Gabbriette, Tyla, Lily-Rose Depp зэрэг одод ч мөн өмсөх болсон нь анхаарал татдаг.
Түүний гутал ч тоглолтын уур амьсгалтай гайхалтай зохицжээ. Кайли улбар шар өнгийн, цагаан үдээс бүхий винтаж загварын Miu Miu mule өсгийг Нью-Йоркийн Source of Sweet винтаж дэлгүүрээс сонгон авч өмссөн байна.
Мэдээж түүний тансаг Hermès цүнхний цуглуулга энэ үдэш ч орхигдсонгүй. Кайли өвөр дээрээ хар хөх өнгийн, матрын арьсан хээтэй Hermès Birkin цүнхээ тэврэн сууж, Никс багийг өөрийн хэв маягаар дэмжиж байлаа.
Сэтгэгдэл байхгүй байна