“UFC групп”-ын О.Амартүвшингийн гэргий болсон Г.Гантуяа нь миссүүд амжилттай гэр бүл, карьер хослуулан амьдарч болдгийг харуулж яваа бүсгүйчүүдийн нэг гэж хэлж болно. Тэрбээр зөвхөн гэр бүлийн хүрээнд хязгаарлагдах бус, өөрийн сонирхол, ажлын чиглэлээр идэвхтэй, завгүй амьдралын хэв маягийг сонгосон нь анзаарагддаг.
Өмнө нь “Oxford” брэндийн цүнхний худалдаа эрхэлж байсан тэрбээр энэ удаад илүү өндөр зэрэглэлийн Hermès цүнхийг зах зээлд санал болгож эхэлжээ. Тансаг хэрэглээний энэ төрлийн бүтээгдэхүүн нь Монголын өндөр орлоготой хэрэглэгчдийн дунд эрэлттэй болж, тодорхой хэмжээнд статус илэрхийлэх хэрэгсэл болон хувирч буй нь нууц биш.
Орхон аймгаас төрсөн анхны миссийн хувьд Г.Гантуяа нь гоо зүй, загварын мэдрэмжээ бизнесийн чиглэлд ашиглаж, өөрийн гэсэн орон зайг бий болгохоор зорьж буй нь харагдана. Цаашид түүний энэ чиглэлд хэрхэн хөгжиж, ямар амжилт гаргахыг харах л үлдэж байна.
Сэтгэгдэл байхгүй байна