У.Хүрэлсүхийг Ерөнхий сайдад томилох эсэхийг маргааш хэлэлцэнэ

УИХ-ын намрын ээлжит чуулган маргааш хуралдахаар боллоо. Хуралдаанаар ганцхан асуудал хэлэлцэнэ. Тодруулбал, Монгол Улсын Ерөнхий сайдыг томилох тухай асуудлыг хэлэлцэх юм.

Чуулганы хуралдаан 10.00 цагаас эхэлнэ.

Өнгөрсөн долоо хоногт хуралдсан Төрийн байгуулалтын байнгын хорооны хуралдаанаар Ерөнхий сайдад нэр дэвшигч У.Хүрэлсүхийг 100 хувийн саналаар дэмжсэн. Уг асуудлыг маргааш чуулганаар хэлэлцүүлэх юм.