Зуун буудлын аваргыг арван сая төгрөг хүлээж байна

Зуун буудалт даамын түргэн тоглолтын улсын аварга шалгаруулах тэмцээн өнөөдөр эхэллээ. Энэ жил анх удаагаа зохион байгуулж буй тус тэмцээний аварга таван цуврал тоглолтын дараа ирэх аравдугаар сард тодорно. Зуун буудалт даамын нэг тоглолтын хугацаа дунджаар 5-6 цаг үргэлжилдэг бол энэ удаагийн цуврал тэмцээнд нэг тоглолтыг 15 минут байхаар тооцсон аж. Урьдчилсан шатны дөрвөн тэмцээний нийлбэр дүнгээр 16 шилдгийг тодруулж, аравдугаар сарын 19-21-нд шигшээ тоглолт болох юм. Дашрамд дурьдхад тус тэмцээний тэргүүн байранд орсон тамирчныг 10 сая төгрөг хүлээж байна.