МАХН-ын Гүйцэтгэх зөвлөл хуралдаж байна.Тэд өнөөдрийн хуралдаанаараа Ерөнхийлөгчид нэр дэвшигчдээ тодруулж, Бага чуулганд нэрийг нь оруулах юм. Улмаар Бага чуулганаас батламжлагдсан эрхмийн нэрийг Ерөнхийлөгчийн сонгуульд өрсөлдүүлэхээр СЕХ-нд бүртгүүлэх юм.
Тэгвэл Гүйцэтгэх зөвлөлийн хурлаар УИХ-ын гишүүн асан Ц.Оюунбаатар, УИХ-ын гишүүн асан С.Ганбаатар, нЭрдэнэцогт, МАХН-ын Ерөнхий нарийн бичгийн дарга Ц.Шаравдорж нарыг Бага чуулган руу оруулж нууц санал хураалтаар нэр дэвшигчээ тодруулахаар болжээ.
Харин Ерөнхийлөгчийн сонгуульд өрсөлдөх хүсэлтээ илэрхийлээд байсан С.Нарангэрэл нэрээ татсан байна. Учир нь МАХН-аас нэр дэвшигч нь тухайн сонгуулийн зардлын 10 тэрбум төгрөгийг өөрсдөө хариуцахаар болсон гэнэ. Тиймээс Гүйцэтгэх зөвлөлийн хурал дээр "10 тэрбум төгрөг гаргаж чадахгүй. Тиймээс нэрээ татлаа" гэжээ.
Энэ талаар эргэн мэдээлэх болно.
Эх сурвалж: zaluu.com
Сэтгэгдэл (1)