ЭЕШ-ын нээлттэй өдөрлөгийн үеэр элсэгчдийг бүртгэнэ

Боловсролын үнэлгээний төвөөс элсэгчдэд зориулсан нээлттэй хаалганы өдөрлөгийг дөрөвдүгээр сарын 1-ний өдөр буюу маргааш зохион байгуулахаар болжээ.

Өдөрлөгийн үеэр элсэлтийн ерөнхий шалгалтын бүртгэл хийх, санал гомдол, өргөдөл, хүсэлтийг хүлээн авч асуудлыг шийдвэрлэж өгнө. Мөн шалгуулагчдаас элсэлтийн ерөнхий шалгалтын сорил даалгаврыг авч дүнг нь танилцуулах юм.

Түүнчлэн ерөнхий боловсролын сургууль төгсөгчдөд “Элсэлтийн ерөнхий шалгалт”, “Мэргэжил сонголт” гэсэн сэдвээр лекц, уулзалт зохион байгуулна. Өдөрлөг “Шинэ Эрин” лаборатори сургуулийн байранд маргааш 10.00-17.00 цагийн хооронд болно.