Хөхөөрөө гайхуулаад ч болов карьераа өсгөнө л гэнэ шүү!
2016 оны 9 сарын 21

Дан авьяасаараа биш тачаангуй имижээрээ гараагаа эхэлсэн оддыг жагсаавал уртаас урт жагсаалт гарна. МУГЖ Т.Ариунаа “Эрос” хатагтай хэмээн өөрийгөө цоллож, поп хөгжмийн ертөнцийг хаалгыг цөм өшиглөн гарч ирсэн бол түүний халааг дуучин Ану, Нара, жүжигчин Г.Отгонцэцэг нар үргэлжлүүлсэн. Зарим нь “секс символ” буюу тачаангуйн бэлгэ тэмдэг болон үлддэг. Харин зарим нь амны бай болон энэ биеэ арчилж тойглож чадахгүй нийгмээс арчигдах нь бичигдээгүй хууль. Нүцгэн бие, гоо үзэсгэлэн, залуу насаа нэг цэг дээр зогсоочихсон юм шиг авч яваа Монголд ганцхан “секс символ”  бий. Тэр бол мөнхийн залуу хатагтай Э.Одгэрэл. Наснаасаа хэд дахин залуухан харагддаг түүнийг харсан эр бүү хэл эмэгтэй хүмүүс эргэж харахаар биеэ авч яваа нэгэн. Анх хөхөө хагас гарган олонд танигдаж байсан Э.Одгэрэл тухайн үедээ шуугиан тарьж байлаа. Харин энэ хагас нүцэглэлт амжилт дагуулсан. Харин орчин үед захын арван жилийн охин нүцгэлж цахим сүлжээндээ байрлуулдаг болсон. Энэ удаад олонд танигдсан, танигдах гэж яваа хагас нүцгэлсэн бүсгүйчүүдийг багцаар нь хүргэж байна.

Г.Отгонцэцэг: Г.Отгонцэцэг карьераа Холливудын оддын дүрмээр эхлүүлсэн. Эхлээд нүцгэн төрхөөрөө олонд танигдаж дараа нь авьяасаа харуулж амжилт дагуулсан нүцэглэлт болсон гэж болно. Уруул, хамраа янзлуулсан гэдгээ бүрэн дүүрэн хүлээн зөвшөөрдөг хөхөөрөө оролдож байгаагүй хэмээн хаана ч хэний ч өмнө бардам ярьдаг нэгэн. Магадгүй л юм. Орчин үед гоё сайхан бүхэн “хиймэл” гэх үгийг урдаа авдаг болчихсон болохоос аль сайхан хүүхнийг тэр гэхэв. Хэлсэн  ярьсан нь үнэний ортой байх. Түүний хамгийн сүүлийн нүцэглэлт тайзан дээр өрнөсөн. Нүцгэн биен дээрээ зураг зуруулж, нүцгэн шахуу тайзнаа алхаж үзүүлбэр үзүүлсэн нь энэ. Ямартай ч Г.Отгонцэцэг хүслээ гүйцэлдүүлсэн.

Б.Гантогоо: Мисс Б.Гантогоо нүцгэн биеэ жинхэнэ утгаар нь ашиглаж олонд танигдсан миссүүдийн нэг. Ялангуяа том хөхөөрөө карьераа огцом өсгөсөн гэдэг. Багадаа л том биетэй, том хөхтэй байсан Б.Гантогоо загварын ертөнцөд орж ирээд л хэн бүхний анхааралыг татсан гэдэг. Цагтаа дэлхийн томоохон тэмцээнүүдэд тэргүүн байр эзэлж эх орныхоо нэрийг өөрийнхөө хэмжээнд багагүй гаргасан тэрээр Монголдоо л ховор ганц ориг хөхтэй хүүхнүүдийг нэг яахын аргагүй мөн. Энэ талаар нэгэнтээ “Монголын ихэнх хүүхнүүд сайхан бие хаатай. Гол нь давуу талаа ашиглан гоо үзэсгэлэнгээ арчилж тордох л шаардлагатай. Түүнээс биш ганц бие том хөхтэй болгон сайхан эмэгтэй биш шүү дээ” хэмээн голыг нь олж хэлсэн байдаг.

Э.Одгэрэл:Мөнхийн залуу хатагтай ганцхан охин төрүүлсэн эмэгтэй. Мэргэжилдээ үнэнч, гоо үзэсгэлэнгээ хэвээр хадгалж яваа Э.Одгэрэлийн насыг нь зөв таах хэн ч байхгүй гэхэд мөрийцөхөд ч бэлэн байна. Түүнд том хөх байхгүй ч өөртөө зохицсон эрчүүдийн дурлаад байдаг жимбийсэн жижигхэн хөхтэй хүүхнүүдийн эгнээнд орно. Анх хөхөө хагас гаргаад олонд танигдаж дараахан бүрэн нүцгэлсэн мөнхийн залуу хатагтайн ихэнх хувцаслалт хөхөө хагас гаргасан даашинз өмсдөг. Аргагүй л дээ өдий насны эмэгтэй ийм хөхтэй байх гэдэг мөрөөдлийн зүйл. Хиймэл аргаар л ийм болно шүү дээ. Тэр дүрмийг мэдэж байгаа учир Э.Одгэрэл хатагтай хэзээ хаана юу өмсөхөө хэнээр ч заалгахгүй мэддэг бизээ.

Нара:Нүцгэн биеийг утгаар нь алдаршуулсан үр шимийг нь УИХ-д бараг орох хүртэлээ алдаршуулсан хүн бол дуучин Нара. Хоолойн чадал чансаа, уран бүтээлээрээ олноос онцгойрч дорвитой уран бүтээл хийгээгүй ч нүцгэн биенийхээ ачаар од болж чадсан Нара хөхөвчгүй дуулж олныг цочирдуулж байсан цаг саяхан. Эгээтэй л даашинзаа тайлж шидээгүй гэдэг. Бүр тултал нь нүцгэлж хүсэл зорилгодоо хүрсэн. Эцэс сүүлд нүцгэлсэнийхээ ачаар эмэгтэйчүүдийг төлөөлж Их хуралд суухаар төлөвлөөд буй. Сонгуульд нэр дэвшихээр шийдсэн өдрөөсөө эхлээд гэнэт намба сууж энгэр битүү хувцас өмсөж эхэлсэн Нара сонгуульд ялагдаж эргээд энгэр задгай, богино банзалаа өмссөн зургаа цахим хуудаснаа оруулах болсон. Ирэх сонгуулийн өмнөх өдрөөс эхлэн түүний хагас нүцэглэлт зогсох байхдаа гэдэгт найдаж байна.

Соко: “3 охин” хамтлагийн ахлагч Соко жилээс жилд өнгө зүс нэмж танигдахын аргагүй өөрчлөгдөж байгаа одуудын нэг. Зорсон юм шиг биетэй, зурсан юм шиг царайтай болоод байгаа билээ. Ялангуяа хөхөөрөө олны анхаарлыг хэрхэн татахыг утга төгөлдөр биелүүлж яваа Соко хөхөө арай л стандарт биш болгочихсон уу яасан. Үнэнч фэнүүдээс нь гомдолын үг ирсэн гэдэг. Ямарваа нэг зүйлийн алтан дунджыг бариад алтан дүрмээр явахад л болоод явчихдаг шүү дээ. Хөх нь том болсон биш энгэр задгай даашинзыг өнгө алаглан өмсдөг болсон Соко арай хожуу хөхөөрөө олонд танигдаж эхлээд байгаа нь энэ. Хаа явсан газар харчуул хараагаа салгахгүй Соко солиотой өөртөө итгэлтэй алхах болсон нь энэ.

Туяа: Хувцасны шкаф дүүрэн энгэр задгай даашинз, богино банзал өнгө өнгөөрөө байдаг гэдгийг нэгэнтээ өөрөө хэлсэн А.Туяаг эрчүүдэд нүцгэн зургаа худалдсан гэх яриа гарсан удаатай.  Фэйсбүүктээ зөвхөн хөхнийхөө зургийг баруун солгойгүй авч тавьдаг гэх шүүмжлэл дагуулдаг жүжигчин А.Туяа хөхөө ориг гэж үргэлж хэлдэг ч орчин үеийн давалгаагаар буюу хүссэн хүсээгүй “хиймэл” гэх үгийг өмнөө авах болсон. Гэвч тэрээр энгэр задгай хувцаслаж, цахим хуудаснаа цээж нүцгэн зургаа олон дахин оруулсаныхаа ачаар “Playboy” сэтгүүлд нүцгэн зургаа таван саяаар худалдсан. Ямар ч үнэ хүндгүй байгаагүй өөрийнхөө хэмжээнд нүцгэн зургаа үнэлүүлээд л авсан.

Б.Цэцэг:Бие давхар болоод танигдахын аргагүй өөрчлөгдөж нэлээд жин нэмсэн Б.Цэцэг байгаа жингээсээ хоёр дахин жин нэмсэн гэдэг. Гэвч тэрээр богино хугацаанд хэвэндээ орж жин нэмсэн, хассан зургаа цахим хуудаснаа байрлуулж найзуудынхаа магтаал сайшаалын үгээр бөмбөгдүүлж байсан цаг ард хоцорч. Саяхан л гэхэд дотуур хувцасны рекламанд тоглож галбирлаг бие хаагаараа гайхуулаад байна. Богино хугацаанд жингээ хаяж төд удалгүй кинонд тоглосон Б.Цэцэг киноныхоо нээлт дээр хөхөө хагас гаргасан даашинз өмсөж ирэн олны анхааралыг өөр дээрээ татаад авсан. Энэ олон бүсгүйчүүдээс ганц ориг хөхтэй хүн гэвэл Б.Цэцэг л байх. Хүүхэд төрүүлсэн биш улам өнгө зүс нэмсэн түүний галбирлаг бие хаа, том хөхийг хэн харахгүй өнгөрөх билээ. Дотуур хувцасны томоохон компани хүртэл онилоод авсан байна шүү дээ. Амжилтанд хүрсэн л байна хөхөө гаргасаны ач гавьяа энэ шүү дээ.

Х.Мөнгөнцэцэг: Зохиолын дууны дуучин Х.Мөнгөнцэцэг гэх энэ бүсгүй үе тэнгийнхэн дундаа хэвлэл мэдээлэлийнхэний анхааралд яаж ийгээд л өртчихдөг нэгэн. Давуу талаа ашиглаж бусдын адил олонд танигдах гэсэн орь хүсэл нь түүнийг хөтөлж хагас нүцгэн зургаа хааяахан цахим сүлжээнд байрлуулчихдаг билээ. Хамгийн сүүлд л гэхэд шинэ клипэн дээрээ бүрэн шахуу нүцгэн гэрэлтсэн даашинз өмссөн зургаа тавьж сайн муу шүүмжлэлийг дагуулаад байгаа түүний энэ нүцэглэлт амжилт төдийлөн дагуулахгүй байгаа гэж болно. Учир нь олонд танигдана гэдэг бие хаа царай зүснээс илүү авьяас бас шаарддаг юм шүү дээ.

В.Гэрэлцэцэг: 2001 онд Оюутан дэд миссийн өргөмжлөл хүртэж байсан В.Гэрэлцэцэг гэх эн бүсгүй нэлээдгүй олон кинонд тоглож олон танигдсан нэгэн. Харин түүнийг кинонд тоглосон дүрээр нь биш нүцгэлсэн зургаар нь хүмүүс илүүтэй танимхайрдаг. Тэр нүцгэлсэндээ одоо хэр харамсаж явдаг гэнэ лээ. Хүүхнүүд албан ёсоор нэр алдарт хүрэхийн тулд хөхөө гаргаад ч болов олонд танигдах гэж өрсөлдөж байхад зарим нэг нь нүцэглэж хөхөө гаргасандаа одоо хэр нь харамсаж явдаг амьдрал сонин шүү. Ямартай ч түүний хөх жинхэнэ оригоороо гэнэ лээ.

Б.Солонго:Хорвоод эр хүйстэн болж төрсөн ч  эмэгтэйлэг шинж чанар нь давамгайлж, эхээс заяасан бүхнээсээ татгалзахад хүрсэн гэж ярьдаг трансжендер Б.Солонго бүсгүйчүүдээс дутахгүй хөхөөрөө гайхуулж хэрхэн өндрөө авч байгааг хэн бүхэн надаар хэлүүлтгүй мэдэж буй. Хөхөө хагас гаргасан зургаа цахим хуудаснаа тавьж шуугиан тариад авсан Б.Солонго хөхөндөө хамгаас илүү хайртай гэдгээ шууд нэвтрүүлгийн үеэр хэлээд авсан. Нүүрнээсээ илүү хөхөө арчилж торддог гэх түүний энэ хагас нүцэглэлт амжилт дагуулж хэд хэдэн рекламанд тоглож, бүр найз залуутай хүртэл болоод амжсан гэдэг. Ингэж хагас хөхөө гаргаж бүрэн нүцгэлсэн хүүхнүүд богино хугацаанд найз залуутай болдог бичигдээгүй хууль бий.

Дийлэнх нь том хөхтэй эмэгтэйд эрчүүд дуртай гэж ярьдаг ам бодол хоёр зөрж жижигхэн  хөхөнд жигтэйхэн дурладаг гэдэг нь судалгаагаар баталчихсан юм билээ. Хариулт нь маш энгийн жижигхэн хөхний давуу тал нь хэдэн ч хүүхэд төрүүлсэн, хичнээн насыг насалсан ч хэлбэр галбираа алдахгүй хөөрхөн хэвээрээ байдаг гэж хариулсан аж. Харин том хөх түр зуурын үзэгдээд өнгөрөх “солонго” аятай л зүйл хэмээн хариулсан байх юм  эрчүүд чинь. Тэгвэл манайдаа хөхөөрөө олны анхааралыг татаж цахим сүлжээнд од болж буй олны танил бүсгүйчүүдийг ийн онцоллоо. Хамгийн сонирхолтой нь орчин үед хөөрхөн, сайхан бүхэн үнэ цэнээ өдрөөс өдөрт алдаж “хиймэл” гэх тодотголыг авдаг болсон энэ үед хэн нь хиймэл хэн нь оригоороо гэдгийг ялгаж салгахад хэцүүхэн билээ. За ямартай ч дараах бүсгүйчүүд болж өгвөл хөхөө ил гаргасан даашинз өмсөж, энгэр юугаа задгайлж эрчүүдийг огшоож, эмэгтэйчүүдийг атаархтал нь энгэрээ ийн задгайлжээ.

 

Манай сайт танд таалагдаж байвал LIKE хийгээрэй. Танд баярлалаа.
Сонин хачин
Санал болгох  
Grandnews tweet
  • Retweet (5)
  • 03-24 18:04
    Retweet (3)
  • Retweet (3)
  • Retweet (3)
  • 03-24 17:35
    Retweet (3)
  • 03-24 17:53
    Retweet (2)
  • Retweet (2)
  • Retweet (1)
  • Retweet (1)
  • Retweet (1)
  • Retweet (1)
  • Retweet (1)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • 03-24 18:05
    Retweet (0)