Онцлох сериал: Энтертайнментаар бэлгийн боловсрол олгох “30 өдөр 30 секс” эротик олон ангит драм  
2021 оны 1 сарын 13

Манай улсад гэр бүл салалт, гэр бүлээс гадуурх харилцаа, өсвөр насны охидын жирэмслэлт, хүчирхийлэл, хүчин ер нь бэлгийн боловсрол асар тааруу түвшинд маш дутмаг байгаагаас болж үүсэж байгаа байх гэж боддог. Сексийн талаар чөлөөтэй үзэл бодлоо илэрхийлэх нь нийгэмд бараг хориотой болчихсон, нэг бол бодитоор тусгаж авахгүй хошигноод өнгөрөөчихнө эсвэл садар самуун сурталчилсан болоод хэл ам дагуулаад өнгөрчихдөг сэдэв болчихсон. 
Анх сонсоход “30 өдөр 30 секс” эротик олон ангит драм нь секс кино мэт санагдах боловч энэхүү контент хосуудын харилцаа, бэлгийн боловсролын талаарх гол асуудлуудыг хөндөж гаргасан байна. Сексийг бэлгийн боловсрол талаас нь хөндөж харуулсан, бидний дунд түгээмэл байдаг асуудлуудыг хөндсөн сэдэвтэй өшөө олон уран бүтээл, кино контентууд энэ нийгэмд хэрэгтэй байх гэж бодож байна. Уг цуврал нь ямар ч байсан тэр сэдвийн эхлэл нь байлаа. 

Бэлгийн боловсрол гэхээр ерөөсөө садар самуун сурталчилаад буруу зүйлд уриалаад ингэж секс хийдэг юм гэсэн ойлголт биш шүү. 
Ерөөсөө хүн болгонд багаас нь ерөнхий ойлголт хэрэгтэй, ялангуяа өсвөр насанд нь, секс гэж юу болох, үүнийг ойлгох, үүнээс болж юу болж болох, ямар үр дагавар дагуулдаг, энэ тал дээр эцэг эхтэйгээ илүү чөлөөтэй ярилцдаг байх нь олон үерхэл болон харилцаан дээр мэдэгдэхүйц дэвшил болон давуу тал гаргадаг. Ядаж л секс хийхээсээ ичдэггүй хэрнээ дэлгүүрээс бэлгэвч авахдаа ичээд байх нөхцөл байдалтай байнга тулгараад байхгүй байх. 
Бэлгийн боловсрол нь зөвхөн секс яаж хийх тухай биш, хэрхэн үүнийг аюулгүй хийх, шаардлагатай мэдээллүүдээ олж авч хүсээгүй жирэмслэлтээс хэрхэн сэргийлэх, цаашлаад бэлгийн хэдэн янзын чиг хандлага байдаг мөн өөрийнхөө чигийг олж авах, дараа нь өөрөөсөө өөр чиг хандлагатай хүмүүсээр доог тохуу хийж хошигнохгүй байх гэх мэт нийгмийн нэг хэсэг болж зөв боловсорч гарах чухал хүчин зүйлүүдийн нэг хэсэг юм. 
Уг цувралыг Voo-н Standard HD болон Premium HD багцыг идэвхжүүлэн Voo originals цэснээс сонгон үзэх боломжтой.

Эх сурвалж: Dylan’s Cinemates
 

Манай сайт танд таалагдаж байвал LIKE хийгээрэй. Танд баярлалаа.
Сонин хачин
Санал болгох  
Grandnews tweet