Сурагчдыг хоёр сар АМРААХ санал хүргүүллээ
2018 оны 9 сарын 8

Сүүлийн жилүүдэд Улаанбаатар төдийгүй аймгуудад агаарын бохирдол ихэсч, нарийн ширхэгт PM2.5 тоосонцорын дундаж хэмжээ Дэлхийн эрүүл мэндийн байгууллагын агаарын чанарын удирдамжид заасан зөвлөмжөөс 6-10 дахин өндөр байна. 

Эрүүл мэндийн яамнаас Ерөнхий боловсролын сургуулийн сурагчдын 2 дугаар улирлын амралтын хуваарийг “2018 оны 12 дугаар сарын 15-аас 2019 оны 2 дугаар сарын 15-ныг хүртэл хугацаанд тогтоох” саналыг Агаарын бохирдлыг бууруулах үндэсний хороонд өчигдөр хүргүүлээ. Ингэхдээ УИХ-ын “Агаарын бохирдлыг бууруулахтай холбогдуулан авах арга хэмжээний тухай” 2018 оны 02 дугаар тогтоолын 7 дахь заалт, Агаарын бохирдлыг бууруулах үндэсний хорооны 2018 оны 9 дүгээр сарын 6-ны өдрийн хурал дээр гарсан гишүүдийн саналыг үндэслэжээ.

Монгол Улсад томуу, томуу төст өвчний дэгдэлт жил бүрийн 12 дугаар сараас эхлэн хоёр сар гаруй үргэлжилж, нийт өвчлөлийн 90 гаруй хувийг 15 хүртэлх насныхан, 70 орчим хувийг 4 хүртэлх насны хүүхэд эзэлж байна. Томуу, томуу төст өвчний 15-20 хувийг сургуулийн насны хүүхдүүд эзэлдэг хэдий ч уг өвчний халдварын тархалтыг нэмэгдүүлэхэд гол үүрэг гүйцэтгэдэг болохыг тандалт судалгаагаар тогтоожээ. Энэ үеэр сурагчдыг амраах нь зүйтэй хэмээн Агаарын бохирдлыг бууруулах үндэсний хорооны гишүүд үзсэн байна.
Хэрэв энэ саналыг Агаарын бохирдлыг бууруулах Үндэсний хороо дэмжсэн хариу өгвөл БСШУСЯ амралтын хуваарьт өөрчлөлт оруулах аж.

Дэлхийн хэмжээнд томуу, томуу төст өвчний тархвар судлалын нөхцөл байдлын тандалт, судалгаагаар сүүлийн хоёр жилд 1918 онд тохиолдсон томуугийн цар тахлын онцлогтой төстэй шинж тэмдгүүд илэрсэн, мөн шувууны (H7N9, H5N6, H9N2) болон гахайн (H1N2) томуугийн хүний өвчлөлийн тохиолдлын тоо нэмэгдэн бүртгэгдэж байгаа тул томуугийн цар тахлаас сэргийлэх, хариу арга хэмжээний бэлэн байдлыг хангахыг Дэлхийн эрүүл мэндийн байгууллагаас гишүүн орнууддаа зөвлөлөө. 

Түүнчлэн Улаанбурхан өвчний дэгдэлт олон улс оронд бүртгэгдэж, 2018 оны эхний 7 сарын байдлаар 129,239 хүн өвчилсөн байна. Тухайлбал, ОХУ-д 1403 хүн өвчилж, B3, D8 хэвшлийн вирус, БНХАУ-д 4,498 хүн өвчилж, H1, D8 хэвшлийн вирус хүн амын дунд эргэлтэд байгаа нь хөрш орнуудаас улаанбурхан өвчин хил дамжин зөөвөрлөгдөн орж ирэх өндөр эрсдэлтэй байгаа юм.

Эх сурвалж:www.ikon.mn

Манай сайт танд таалагдаж байвал LIKE хийгээрэй. Танд баярлалаа.
Сонин хачин
Санал болгох  
Grandnews tweet
  • Retweet (5)
  • Retweet (5)
  • 09-22 21:35
    Retweet (5)
  • Retweet (3)
  • 09-22 23:00
    Retweet (2)
  • Retweet (2)
  • 09-22 22:58
    Retweet (1)
  • 09-22 22:43
    Retweet (1)
  • Retweet (1)
  • Retweet (1)
  • 09-22 21:55
    Retweet (1)
  • Retweet (0)
  • Retweet (0)
  • Retweet (0)
  • Retweet (0)
  • 09-22 23:16
    Retweet (0)
  • Retweet (0)
  • Retweet (0)
  • Retweet (0)
  • Retweet (0)