Э.Амартүвшин “Травиата” дуурьт тоглоно
2018 оны 4 сарын 16

Дуурь, бүжгийн эрдмийн театр тоглолтын 55 дахь тоглолтын улиралд түүхэн ач холбогдол бүхий тоглолт арга хэмжээг онцлон ажиллаж байна. Энэ сард онцлох тоглолтуудын нэг бол Камелийн цэцэгт хадагтай зохиолоос сэдэвлэн бүтээсэн Ж.Верди “Травиата” дуурь 160 гаруй жилийн түүхтэй уг дуурь анх Монголын тайзнаа 1977 оны дөрөвдүгээр сарын 09-ний өдөр тавигдаж, өдгөө 41 дэх жилтэйгээ золгож байгаа билээ. Монголын хамгийн анхны эмэгтэй найруулагч УГЗ Ё.Цэрэндолгор дөнгөж төгсч ирээд монгол хэлээр найруулан тавьсан бөгөөд удирдаачаар УГЗ Ч.Жамсранжав, зураачаар АЗ Ч.Гунгаасүх нар ажиллажээ. 2000 онд найруулагч УГЗ Ё.Цэрэндолгор Итали хэлээр шинэчлэн тавьж, УГЗ Н.Туулайхүү нар удирдсан юм. 2015 онд БНСУ-ын найруулагч СТА Ан Ху Вон дахин шинэчлэн найруулж, тайз, хувцасыг дахин шинэчилсэн бөгөөд тайзны зураачаар УГЗ, ЕНШ Г.Ганбаатар, хувцасны зураачаар СТА Г.Оюун нар ажилласан. 

Тэгвэл 2018 оны дөрөвдүгээр сарын 22-нд УДБЭТ-ын тайзнаа тоглогдох Ж.Верди “Травиата” дуурийн гол дүрүүд болох Виолеттад Б.Эрдэнэтуяа, Альфредод Б.Батжаргал, Жермонд Э.Амартүвшин нар дуулна.

Сонгодог урлаг үзэгчдийн дунд хундагийн дуугаараа овоглосон Ж..Вердийн “Травиата” дуурийн 106 дахь удаагийн тоглолтод Гавьяат жүжигчин, Монгол Улсын соёлын элч, УДБЭТ-ын гоцлол дуучин Э.Амартүвшин дуулах гэж байна. Тэрээр Дэлхийн нэр хүндтэй том театруудад уригдан Дэлхийн шилдэг сонгодог дууриудад тоглож, Дэлхийн шилдэг сонгодог дуучдын нэг гэдгээ баталсаар ирсэн билээ. Гоцлол дуучин МУГЖ Э.Амартүвшин нь 2018 оны 03-р сарын 11-ны өдөр Москва хотноо “Большой Театрын тайзан дээр зохион байгуулагсдан дэлхийн шилдэг сонгодог уран бүтээлчдийн оролцдог олон улсын мэргэжлийн дуу, хөгжмийн "Браво” ёслолд уригдан Евро Азийн 15 улсын сонгодог урлагийн мэргэжлийн уран бүтээлчдээс шалгаран шилдэг "Браво” шагналын эзнээр тодорсон билээ. Тэрээр хүндэт “Браво” шагналын эзэн болсоноосоо хойш анх удаагаа УДБЭТ-ын тайзнаа Ж.Верди “Травиата” дууриар сонгодог урлагийн үзэгчидтэйгээ уулзах гэж байна.

УДБЭТ-ын гоцлол дуучин, гавьяат жүжигчин Э.Амартүвшин 2018 оны нэгдүгээр сарын 12-21-ний хооронд Итали Улсын Режио ди Парма хотын театрт Италийн нэрт хөгжмийн зохиолч Жузеппе Вердигийн алдарт “Риголетто” дуурийн гол дүрийг хил хязгааргүй талын Монголын дуучин дэлхий даяар сонгодог дуурийг гайхамшигтайгаар дуулж, дэлхийн сонгодог урлагийн тайзыг эзэгнэсэн. 

Э.Амартүвшин нь Оросын алдарт хөгжмийн зохиолч И.П.Чайковскийн нэрэмжит дуурийн дуучдын уралдааны “Мөнгөн” шагнал, “Plаcido Domingo’s Operalia” олон улсын дуурийн дуучдын уралдааны “Гран при“ буюу шилдэгийн шилдэг дуурийн дуучний шагналт, “BBC” телевизээс хоёр жил тутамд зохион байгуулагддаг дуурийн дуучдын алдарт “Cardiff Singer of the World” тэмцээний үзэгчдийн нэрэмжит шагналт гээд түүний гавьяа шагналыг дурьдаад барашгүй бидний бахархалт дуучин юм. Түүнийг дуурийн эх орон Итали улс даяар дуурийн “Маэстро” хэмээн нэрлэж байсан. Режио ди Парма театрт Маэстрогийн тоглолтыг дуулж эхэлсэн мөчөөс эхлэн дуурийн сүүлчийн мөч хүртлээ чимээ намдаж үзэгчид амьсгалаа хураан үзэж дуусгажээ. Дуурийн эх орон болох Италийн үзэгчид монгол залуугийн дуу, хоолойны өнгө, Риголеттогийн хэлэх үг, мэдрэх мэдрэмж, бодол хүслийг дамжуулж буй тайзны өвөрмөц эрхэмсэг хөдөлгөөнөөр мэдэрч чадсаныг бишрэн шүтэж байсан. Тэрээр дэлхийн “Сонгодог урлагийн шилдэг” гэдгээ ийнхүү баталсаар яваа агуу дуучин билээ.

Манай сайт танд таалагдаж байвал LIKE хийгээрэй. Танд баярлалаа.
Сонин хачин
Санал болгох  
Grandnews tweet
  • Retweet (8)
  • 10-19 01:24
    Retweet (1)
  • Retweet (1)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)
  • Retweet (0)