Мисс Т.Батцэцэг сэтгүүлчдийн сенсацийг няцаалаа
2017 оны 5 сарын 12

“Дэлхийн мисс 2014”-т Монгол Улсаа төлөөлөн оролцож тухайн үедээ элэг нэгтнүүдийнхээ хайрыг хүртэн ард түмний мисс гэгдэж байсан мисс Т.Батцэцэгийн тухай сүүлийн үед сошиал орчинд багагүй шуугиан дэгдээд байгаа. Түүнийг О.Энхбаяр хэмээх залуутай дотно үерхэж, найз залуутайгаа авахуулсан нүцгэн зургаа ил болгосон нь мисс хүн байж зохисгүй үйлдэл гаргалаа гэсэн олны хэл амыг дагуулаад байгаа. Тэр бүү хэл найз залууг нь хүмүүст мөнгө зээлээд түүнийгээ хэд дахин өсгөж авдаг мөнгө хүүлэгч гэсэн яриа ч гарсан. 

Тэгвэл энэ тухай бид Т.Батцэцэгтэй утсаар холбогдон тодруулга авсанаа хүргэж байна. 

-Сайн байна уу Батцэцэг ээ? Сүүлийн үед өөрийн чинь хагас нүцгэн зургууд сайтуудаар гарч хүмүүс нэлээдгүй сөрөг хандлагатай байна. Бид энэ тухай тодруулга авах гэж холбогдож байгаа юм. 
Сайн байна уу? Харин тэр зургуудыг би ч бас харсан л даа. Энд нэг зүйлийг тайлбарлаж хэлэх нь зөв байх гэж бодож байна. Үнэндээ би Энхбаяртай ямар ч хайр сэтгэлийн холбоо байхгүй. Бид хоёр нэг кинонд бие биедээ хайртай хосуудын дүрийг бүтээсэн юм. Кино зурганд ашиглаж байсан зургийг тавиад мэдээ бичсэн байна лээ. 

-Аан тийм учиртай зураг байж ээ. Ямар кино гэдгийг нь асууж болох уу? 
Бололгүй яахав. Кадр нэрээрээ олонд танигдсан найруулагч П.Энхбаатарын найруулсан “Залуу нас” гээд кино байгаа. Кино маань маргааш нээлтээ хийх гээд манай кино багийнхан завгүй л гүйлдэж байна. 

-Нууц биш бол Батцэцэг энэ кинонд ямар дүр бүтээж байгаа вэ? 
Эмэгтэй гол дүрийн Гэрлээ гээд бүсгүйн дүрийг бүтээж байгаа. Кино маань ерөнхийдөө залуу насны алдаа оноо, тэмцэл, хайр дурлалыг адал явдалтайгаар харуулсан. Залуу хүн бүрийн заавал үзэх ёстой кино болсон гэж бодож байгаа. 

-Урьд нь кинонд тоглож байсан уу? 
Би өмнө нь “Хуримын сурприз” кинонд туслах дүрд тоглож байсан. Маргааш нээлтээ хийх “Залуу нас” кино маань миний анхны гол дүр бүтээж байгаа кино юм. Анх энэ кинонд тоглох санал хүлээж аваад зохиолоо уншчихаад залуусын хайр сэтгэлийн мөн чанарын тухай, мөнгөнөөс илүү үнэ цэнэтэй нандин зүйл байдаггэдгийг харуулсан нь таалагдсан. Тэгээд л энэ кинонд тоглохоор шийдсэн дээ. Мэдээж мэргэжлийн жүжигчин биш учраас хэцүү бэрхшээлтэй зүйлс байсан ч түүнээс илүүтэйгээр сурсан мэдсэн зүйл маш их байсныг хэлмээр байна. 

-Киноны нээлт маргааш хаана, хэдэн цагаас болох вэ? 
Маргааш 19:00 цагаас Өргөө 3 буюу Шангриллагийн Imax-д нээлт болно. 
 
-Цаашдын уран бүтээл, ажилд нь амжилт хүсье. 
Баярлалаа. Та бүхний ажилд амжилт хүсье. 


 

Манай сайт танд таалагдаж байвал LIKE хийгээрэй. Танд баярлалаа.
Сонин хачин
Санал болгох  
Grandnews tweet
  • Retweet (628)
  • Retweet (164)
  • Retweet (114)
  • 06-27 00:58
    Retweet (85)
  • Retweet (41)
  • 06-26 14:03
    Retweet (26)
  • Retweet (12)
  • Retweet (11)
  • Retweet (9)
  • Retweet (6)
  • Retweet (4)
  • 06-27 11:08
    Retweet (4)
  • Retweet (3)
  • 06-27 11:18
    Retweet (3)
  • 06-27 11:08
    Retweet (3)
  • Retweet (1)
  • Retweet (1)
  • 06-27 11:15
    Retweet (1)
  • 06-27 11:12
    Retweet (1)
  • 06-27 11:12
    Retweet (1)