Та нар зүгээр байгаа нэгийгээ битгий шоглож байгаач. Шинэхэн хотын дарга хөөрхий амьтан анхны хүндэтгэлийн баяр ёслолдоо ирээд учраа олохгүй л байгаа биз. Гэргий нь ч гэсэн намбалаг сайхан эзэгтэй болохоос бүхэл бүтэн хотын тэргүүн хатагтай болно гэж мэдсэн биш. Гэрийн хувцас, бараг унтлаганы хувцастайгаа явж байна гээд л болжмор шиг жиргэцгээх юм. Шууд утгаараа мэдээж эхнэр нөхөр юм чинь нэг хөнжилнийх гэдэг нь үнээн. Энэ өглөө мэдээж хамтдаа босоод л гарсан байж таараа. Ийм хувцастай нөхөртөө сайхан харагдаж байвал заавал бусдад таалагдах албагүй л дээ. Ханиараа л гоёдог орчлон, зүгээр. Ёстой яршиг л байна, юу ч өмссөн миний нөхөр энэ хүндтэй албыг авч чадсан юм чинь гэж бааварласан ч байж болно. Одоо тэгээд нэгэнт өнгөрсөн хойно юм болгоноос Үүл баатар, түүний хулс зэгс шиг гэргийг хайх хэрэггүй. Цаана чинь галт тэрэг хөдөлчихөөд байна.