УИХ-ын гишүүн асан Г.Уянга Монгол Улсын Ерөнхийлөгч Ц.Элбэгдоржийг огцруулах 12 үндэслэлийг гарган тавиад буй. Тэрбээр  үндэслэлүүдээ УИХ-ын гишүүдэд хүргүүлсэн. Тэгвэл Г.Уянгын хүсэлтийг УИХ-ын гишүүн С.Жавхлан хүлээн авчээ. Тэд өнөөдөр хамтран хэвлэлийн хурал хийж, Ерөнхийлөгчийг огцруулахын төлөө хамтрахаар болсноо мэдэгдэв. 

Г.Уянга "Би Жавхлан гишүүнийг бүрэн эрхийнхээ хүрээнд энэ асуудлыг УИХ-д оруулах болсонд баярлаж байна. Энэ асуудлыг ажил хэрэг болгох гэж байгаад нь баяртай байна. Улстөрчийн хэлж байгаа үг бүр нь үйлдэл болох ёстой. Ийм хариуцлагатай үйлдлийг хийж байгаа Жавхлан гишүүндээ талархаж байна. Байнга дэмжиж, хамтран ажиллах болно" хэмээн талархлаа илэрхийллээ.   

Түүнчлэн, тэд Монгол Улсын Ерөнхийлөгч Ц.Элбэгдоржийг огцруулах 12 үндэслэлийг онцолсон юм.