УИХ-ын чуулганы нэгдсэн хуралдаан эхэллээ. Хуралдаанаар 2017 онд төрөөс мөнгөний талаар баримтлах бодлогыг хэлэлцэж байна. Хэлэлцэж байгаа асуудалтай холбогдуулан гишүүдийн асуултад Монголбанкны Ерөнхийлөгч Н.Баяртсайхан хариулж байна.

Сангийн сайд Б.Чойжилсүрэн:

-Засгийн газрын зүгээс он дуустал 8 хувийн хүүтэй ипотекийн зээлийг үргэлжлүүлж байгаач ээ гэсэн яриа хэлэлцээр хийж байна. Засгийн газар хөрөнгө оруулалт хайж байна. Ямартай ч 8 хувийн ипотектийн зээлийг үргэлжлүүлэх шийдвэрийг Засгийн газар гаргасан. 8 хувийн хүүтэй ипотекийн зээлд хамрагдах байрны хэмжээг  нэмэгдүүлэхээр болсон.  

2008 онд байгуулагдсан Оюутолгойн хөрөнгө оруулалтын гэрээ сайн болж чадаагүйг олон нийт ярьдаг. Ганцхан Оюутолгой гэлтгүй бусад экспортын  54 хувь нь л Монгол Улсад орж ирдэг юм билээ.

Монголбанкны Ерөнхийлөгч Н.Баяртсайхан:

-Би Монголбанкны валютын цэвэр нөөцийн хэмжээг УИХ-ын чуулганаар төв банкны дэд Ерөнхийлөгчийг томилох үед мэдээлсэн. Хууль тогтоох дээд байгууллагад мэдээлсэн. Хууль зөрчсөн гэж үзэхгүй байна. Олон улсын зээлжих зэрэглэл, бусад мэдээллүүдэд байдаг тоо. Одоогоор энэ талаар мэдээлэл өөрчлөгдсөн. Дарсан, нуусан тоо ил гарч байгаа. 

Чуулганы хуралдаан үргэлжилж байна.