Монгол Улсын  Ерөнхийлөгч Ц.Элбэгдорж, Тэргүүн хатагтай Х.Болормаа нар өнөөдөр Сүхбаатар дүүргийн гуравдугаар хороо Орос, Монголын хамтарсан сургуулийн байранд 11.30 цагаас саналаа өглөө. 

Саналаа өгснийхөө дараа тэрбээр “Та бүхний энэ өдрийн түмэн амгаланг айлтгая. Энэ удаагийн сонгууль  иргэд, хүмүүст хамгийн ойрхон ажиллах төлөөлөгчдөө сонгож байгаа сонгууль юм. Иргэдэд хамгийн ойрхон ажиллаж, хамгийн их зүйл хийх хүмүүсээ сонгох сонгууль болж байна. Нийт иргэддээ сонгуульдаа идэвхтэй оролцохыг хүсч байна" гэлээ. 

Сум, дүүргийн ИТХ-ын төлөөлөгчдийн сонгох санал хураалт өнөөдөр 22.00 цаг хүртэл үргэлжилнэ. Улсын хэмжээнд орон нутгийн сонгуульд саналаа өгөх сонгуулийн насны 2 сая орчим иргэн бий. 

Д.Дуулим