-Хуучин Засгийн сайдууд болох Б.Болор, Л.Пүрэвсүрэн, Д.Эрдэнэбатыг хоморголон шалгах нь-

"Эрдэнэт" үйлдвэрийн 49 хувийг Ч.Сайханбилэг хувьдаа завших гэж байна гэдэг сүржин мэдэгдлийг МАН-ын нэр бүхий хүмүүс хийж байв. Тэднээс арай урьтаж МАХН-ын дарга Н.Энхбаяр, З.Баянсэлэнгэ нар сонгуульд бүгдээрээ анхаарал хандуулсаныг ашиглаж Эрдэнэтийн хувийг хувьчилж байгааг эсэргүүцэж байна хэмээж байсан.

Энэ асуудал саяхныг болтол маргаан дагуулсаар ирсэн. Гэтэл Засгийн газрын хуралдаанаар эл асуудлыг хуулийн байгууллагад шалгуулах нь зүйтэй гэж үзэв.

Ингэснээр тухайн үеийн Сангийн сайд Б.Болор, Гадаад хэргийн сайд Л.Пүрэвсүрэн, Аж үйлдвэрийн сайд Д.Эрдэнэбат нарыг шалгаж эхлэх гэнэ. Үүгээр зогсохгүй  уг асуудлаар гаргасан өмнөх Засгийн газрын шийдвэр нь Үндсэн хууль болон бусад хууль тогтоомжийг зөрчсөн эсэхийг ч шалгуулах аж.

Ямартаа ч Мэргэжлийн гэх тодотголтой Засгийн газрын зүгээс хуулийн байгууллагаар бүх асуудлыг тодорхой болгосны дараа нааштай шийдвэрлэх гарцыг эрэлхийлье хэмээн үзэж байгаа бололтой.

Эрдэнэтийн 49 хувьтай холбоотой асуудлаар хэн юу гэж хэлснийг доорх линкээр уншина уу. 

Холбоос http://www.grandnews.mn/content/read/72427.htm

Д.Дуулим