Увс аймгийнхан фракц үүсгэж байгаа бололтой. Тодруулбал, Ц.Нямдорж, Б.Чойжилсүрэн, С.Жавхлан нарын хүмүүс нэгдэн нийлж нам хүртэл байгуулах талаарх шум өнөөдрөөс дэгдэж байна. Үүний цаад учир нь Ерөнхийлөгчийн сонгуультай холбоотой. 

Ц.Нямдоржийн хувьд Ерөнхийлөгчийн сонгуульд намаасаа нэр дэвшихээр горилж буй. Гэвч УИХ-ын дарга М.Энхболд нэр дэвших гэж буй учир Ц.Нямдоржийн зорилгод “гацаа” үүсээд буй. Тиймээс ч өдгөө хүчтэй дуу хадааж, намынхныгаа ч хаа нэгтээ шүүмжлэх боллоо.

Мөн “Эрдэнэт”-ийн 49 хувийн асуудлыг ил гаргаж МАНАН-гийн бүлэглэлийн хийсэн ажил хэмээн цаад утгаараа хэлээд буйн цаана ч Ерөнхийлөгчийн сонгууль л буй гэж учир мэдэх  хүмүүс хэлж байна.

Өөрөөр хэлбэл, Ц.Нямдорж 2017 оны Ерөнхийлөгчийн сонгуульд бэлдээд хөдлөөд эхэлсэн гэх. Харин түүнд түлхэц өгөх хүмүүс бол  дээрх нэр бүхий хүмүүс. Тэгэхээр Ц.Нямдорж  Монголын улс төр дэх Увсын бvлэглэлийг зангидаж, энэ бvлэглэл хаашаа л бол хаашаа тэлж салбарлахад бэлэн байна.

Д.Дуулим