"Мэргэжлийн" Засгийн газар байгуулна гэсэн чамин уриа, лоозонг өмнөө барьсан Ерөнхий сайд Ж.Эрдэнэбатын танхим их л сонин бүрдсэнийг Монголын ард түмэн мэдэж байгаа. 

Тухайлбал, МАН-ынхан улс орны хамгийн чухал салбар болох Боловсрол, соёл, шинжлэх ухаа, спортын яамны төрийн нарийн бичгийн даргад Б.Баярсайхан гэгч эмэгтэйг томилсон. "Ийгл" телевизийн захирлаар ажиллаж байсан энэ эмэгтэйтэй холбоотой асуудал ёстой л шуугиан тарьж байсан цаг саяхан. Учир нь тэрбээр жүжигчин Б.Амарсайханы эгч юм.

Тиймээс иргэд түүнийг "ганцхан шүдэнз зуруулаад л төрийн нарийн бичгийн дарга болчихлоо" гэх зэргээр ярьж байсан. Хамгийн хачирхалтай нь Б.Баярсайхан гэх энэ эмэгтэй өмнө сэтгүүлчээс өөр ажил хийж үзээгүй гэдэг. Тэр тусмаа төрийн ажил огт хийж үзээгүй гэдгийг эх сурвалжууд хэлдэг.

Тэгвэл жүжигчин Б.Амарсайханы эгчээс гадна хүргэн ах нь томоохон албан тушаалд томилогджээ. Тодруулбал төрийн нарийн болсон эгч Б.Баярсайханых нь нөхөр ГХЯ-ны газрын даргаар томилогдсон байна. 

 Ямартаа ч  дүү нь сонгуулиар МАН-ын рекламыг "амьлуулсан"-ы шагнал энэ гэр бүлд ирсээр л байна.

Д.Дуулим