Жүжигчин С.Энхтуул охины хамт
Нэг үе жүжигчин С.Энхтуултай ханилан сууж байсан “Алтан Дорнод Монгол” группийн захирал Т.Ариунболд салснаасаа хойш хүүхнүүдийн анхаарлын төвд байсаар байна. Тэнхимийн С.Дэмбэрэлийн зээ дүү гэдгээрээ олонд алдартай “хамар” Т.Ганболдын төрсөн ах энэ эр ядаж байхад ямар ч олон тодотгол, чимэгтэй юм. Урлаг, спортод элэгтэй, үнэтэй төмөр хүлэгт нугасгүй, хөрөнгө чинээ нь тоймгүй, “Алтан гадас” одон хүртэл түүнд бий гэж бодохоор ганц бие ийм залууг зүгээр явуулбал асуудалтай байх нь л дээ. Мисс модель, ер нь сайхан тодотголтой охид бүсгүйчүүдийг араасаа хуйлруулах болсон тэрбээр Монголд ганц “S63 AMG Benz” машин хөлөглөн харин болзсон бүсгүйдээ хун цагаан “Range Rover” бэлэглэдэг аархуу, баярхуу нэгэн гэдэг.
Мисс Т.Батцэцэг түүний бэлгийн машинаар ердөө нэг сар л гангарсан нь салахдаа буцааж авсантай холбоотой гэж байгаа. Сайхан бүсгүйг баярлуулан гомдоолоо гэж нэг талаас харагдаж болох ч нөгөө талаас сар үерхсэн болгонд машин өгөх хэтэрсэн өгөөмөр сэтгэл Ариунболд бүү хэл аюулын баян Доналд Трампаас ч гарахгүй л байх. Т.Ариунболдын дараагийн болзоот бүсгүй Хүслэн хэмээх мисс байв. Тэд саяхан салж бүсгүй бие давхар үлдсэн талаар мэдэх хүмүүс нь жиг жугхийх болов. Нэг л амьдрах хорвоод өдий наслахдаа 4 эхнэрийн нүүр үзсэн нь Т.Ариунболдын буруу биш байх л даа. Хувь тавилан, үйлийн үр ийм бол хүүхний сайхантай болзож л явахаас биш. Үйлийн үрийг зөвхөн хар, муу тал дээр “үйлчилдэг” гэж бодож бас болохгүй. Долоо дахь хүүхдээ өлгийдөхийн даваан дээр хоёр тийш болдог нь бас учир жанцантай л байх. Энэ хорвоод эр хүн болж төрөх, тэр тусмаа үнэтэй болзоо хийх чадалтай эр хүн байх хэцүү ч юмаа даа, Ариука минь. “Миний цор ганц ууж ханаагүй орхисон дарс бол бүсгүй хүн” гэж шүлэг хүртэл байна шүү дээ.
Сэтгэгдэл (11)