Монголын урлагт дарах жингээрээ тэргүүн эгнээнд бичигддэг гэр бүл бол АЖ, Төрийн шагналт Сэвжид агсаныхан. Бүжгийн урлагийн эцэг гэж болохоор энэ эрхмийн хүү С.Сүхбаатар онгод авьяас, омог бардам зангаараа олны хүндлэлийг хүлээсэн. Түүний том хүү “Хар сарнай”-н Амараа болон бага дүү жижиг Амараа нар рок попын ертөнцөд нэрээ дуурсгаж яваа. Стиль имижээрээ тун адилхан ах дүү Амараа нар аавын адил гэзэгтэй. С.Сүхбаатар гуай нэгэнтээ “Гурван урт гэзэг ч яахав, хэзээ нэгэн цагт тайруулна биз. Харин гурван үе дамжсан ховор авьяас бүү тасраг” хэмээн ярьсан.
Аавын араас хүүгээ...
Аавынхаа шийрийг хатааж уран бүтээлээрээ “хашгирч” яваа найруулагч Д.Галбаярыг Г.Дашхүү агсаны хүү гэдгээр нь Монголын ард түмэн андахгүй.
Кино дэлгэцийн олон сайхан уран бүтээлээр үзэгчдийн хайр, хүндэтгэлийг хүлээсэн тэрээр урлагийн хүнтэй, тодруулбал Драмын хөөрхөн Хулантай гэр бүл болсон. Т.Хулан нэрт жүжигчинг хуулсан гэмээр хүү төрүүлж өгсөн нь энэ. Өвөө, аавынхаа царай төрхийг өвчсөн юм шиг дуурайсан энэ бяцхан жаалыг ирээдүйд өвөөгийнхөө хийж дуусгаагүйг гүйцээнэ õýìýýí найруулагч Д.Галбаяр хэлдэг. Алдартай жүжигчний авьяаслаг хүүгийн хувьд төдийгүй урлагийн хүнтэй гэр бүл болсныхоо хувьд тэрбээр хүүгээ ч мөн адил удам залгасан уран бүтээлч болоосой гэж хүсэх нь яах аргагүй зөв шийдэл биз ээ.
Ач охины ирээдүй тодорхой
Драмын шилдэг хосуудын нэг жүжигчин О.Бат-Өлзий, С.Сарантуяа нар гэртээ ч ажил, дээрээ ч хамтдаа явсаар насыг элээж яваа урлагийн сайхан хосуудын нэг.
Тэгвэл аав ээжийнхээ мэргэжлийг өвлөж авсан жүжигчин Б.Тамир бяцхан охиноо урлагийн хүн болгох юм гэсэн. Өдгөө дөрвөн настай бяцхан охиноо хэд хэдэн кинонд тоглуулаад авсан Б.Тамир аав ээжээсээ шүүмжлэл сонссон ч охиноо урлагийн хүн болгохоор сэтгэл шулуудсан гэдэг. Жүжиглэхээс гадна чамгүй сайн найруулагч гэдгээ харуулж яваа Б.Тамирын бяцхан охин хамгийн сүүлд “247 градус” кинонд тоглож, ирээдүйгээ тодорхойлоод буй.
Эх сурвалж: www.grandnews.mn
Бэлтгэсэн Д.Цэгц
Сэтгэгдэл (4)