Сонгуулийн өмнөх сунгаа хаа хаанаа халуухан үргэлжилж байгаа гэхэд болно. Тэгвэл нийслэлийн хамгийн олон хүн амтай, тэр хэрээр бугширсан асуудал ихтэй дүүрэг болох Сонгинохайрханд хэн хэн нэр дэвшихийг тандаж харъя. Эх сурвалжуудын мэдээллээс үзэхэд Ардчилсан намаас Л.Эрдэнэчимэг, О.Магнай, Ө.Пүрэвбаатар нар нэр дэвшихээр яригдаж байгаа аж. Л.Эрдэнэчимэгийн тухайд бизнесээс улс төрд шургалсан гэх тодотголоо эвтэйхэн байдлаар өөрчлөх гэж өнгөрсөн дөрвөн жилд янз бүрээр үзэж ирсэн гэхэд болно. О.Магнайгийн тухайд ШӨХТГ-т очиж овоо бужигнуулсан.

За харин МАН-аас нэр дэвшигчдийг харвал Д.Сумъяабазар, Б.Ундармаа, Ц.Сандуй, С.Түмэнгэрэл нарыг нэр дэвшихээр үзэж байгаа гэх мэдээлэл байна. Д.Сумъяабазарын тухайд сонгууль дөхөөд утааны эсрэг тэмцэл өрнүүлж зуух энэ тэр тарааж яваа бол Б.Ундармаа даагаа дахиад л нэхнэ гэчихсэн тууж яваа аж. Н.Энхбаярын МАХН-ын тухайд  Д.Тэрбишдагва нэр дэвшиж магадгүй гэж байгаа бол “Гацуурт”-ын Л.Чинбат ямар ч байсан сонгуульд хүч үзнэ гэж байгаа гэх мэдээлэл байгаа юм.