Улс төрд мэндэлсэн шинэ хүчин ХҮН-аас бас ч гэж юм хүлээж байтал тэр итгэл сэтгэл маань нэг л бүрхэгдээд явчихлаа гэж хэлэх хүмүүс  таарах. За ямартай ч харагдах байдлаас үзэхэд ХҮН дотор нэлээд асуудал байх шиг байна. С.Ганбаатарыг эсэргүүцэгсэд нам дотор нь бий гэдэг нь нэгэнтээ тодорхой болсон. Тэгвэл  ХҮН-ын Нийслэлийн намын хорооны дарга Т.Бат-Оргил С.Ганбаатарыг буруутгах ёсгүй гэж үзэж байгаа аж. Тэр хэлэхдээ  “С.Ганбаатар намын даргаар ирээд ХҮН-ыг бужигнуулсан зүйл огт байхгүй. Т.Доржхандын гаргасан ёс зүйгүй үйлдэл Цагаан сарын өмнө ил болсон. Тиймээс удирдах зөвлөлийн гишүүд Т.Доржхандыг чөлөөлөх шийдвэр гаргаад, намын даргадаа хандсан. Намын дарга удирдах зөвлөлийн гишүүдийн шийдвэрийг хүлээн авч шийдвэр гаргасан.” гэсэн байна. Мөн тэрбээр Т.Доржхандыг  зөвхөн жагсаалт наймаалцаад зогсохгүй олон зохисгүй үйлдэл хийсэн. Гэхдээ тэр хүнийг элдэв янзаар дайрч амьдралыг нь харлуулмааргүй байна. Улс төр дууссан ч тэр хүн цааш амьдрах хэрэгтэй шүү дээ хэмээн ярьсан байна.

М.Мөнхжин