Хөөрхий, Л.Гүндалай улс төрд орж ирчих гээд намаа байгуулсан чинь бүртгэхээс татгалзаж онигоонд оруулах юм. Хог нэгээрээ, борооны дараах мөөг шиг олон нам дунд түүнийх л болохгүй байна гэнэ. Шалтаг гэдэг шавар дундаас ч ургаад гараад ирдэг зүйл. Хавсаргасан бичиг баримт нь дутуу байсан юм байх. Хэсэг нам гүм байсан Гүнээгийн гэр бүл намтайгаа зэрэгцэн олны өмнө гарч ирэв. Цагтаа “Монголын сайхан бүсгүй” тэмцээнээс Шүр эрдэнийн өргөмжлөл хүртэж байсан гэргий Б.Аззаяа нь ийн гунхаж явна. Ялимгүй жин нэмсэн түүний бөмбөлөгтэй даашинз бондгор бүсгүйчүүдэд зохимжгүй хувцаслалт л гэх юм билээ. Экс миссд бол иймэрхүү харагдаж байна даа.

Тэгж ярих юм бол Б.Аззаяа хувьсгал хийх гэж байгаа. Кофе шоп ч юмуу, дэлгүүр биш, гоо сайхны хувьсгал хийхээр энэ төрлийн бизнест сэтгэл шулуудсан гэсэн. Ер нь тэгээд бэлтэй айлын эзэгтэй нар заавал ч үгүй хувьсгал хийж байж санаа нь амардаг. Б.Аззаяа тэснэ тэснэ гэхэд энэнээс илүү яаж тэсэх вэ, шийдсэн байх нь. Харин хувьсгалыг өөрөөсөө эхлэх үү, өрөөлөөс эхлэх үү харж байхаас. Одоогоор өөр дээрээ турах ч юмуу, огцом өөрчлөгдөх хувьсалаа хийж амжаагүй яваа бололтой. Гурван хүүхдийн ээж болсон бүсгүй гэртээ нөхрийнхөө хоол цайг хийж хэдэн хүүхдээ асарч суухгүй илүүдсэн маяг гэх хүмүүс ч байна лээ. Яг юу нь илүүдэхийг үзэж л мэднэ дээ.

Эх сурвалж: www.grandnews.mn