Сэдэв олдохгүй болохоор траншей, хогийн цэг дээр очоод нэвтрүүлэг хийчихдэг “бэлэн хоол” шиг бүх хүнд ойроор нь архитай тэмцвэл од болдог нь үнэн л дээ. Л.Эрдэнэчимэг гишүүн баахан тэмцлээ. Тэмцлийнхээ хүчинд “тамхи” гэх хочтой болоод авсан УИХ-ын гишүүн Л.Эрдэнэчимэгийн хамгийн сүүлийн үеийн сенсааци “туулайн ан” байлаа. Хийж чадахгүй зүйл үгүй Л.Эрдэнэчимэг гишүүн маань ордондоо цэцгийн хүлэмжтэй ганц хүн. Дээрээс нь нум сум эвшээлгэж чаддаг нууц авьяастай гээд эрхэм гишүүний авьяасуудыг нэрлэх юм бол дуусахгүй. УИХ-ын гишүүн болсон цагаасаа байнга шүүмжлэл дагуулж ирсэн Л.Эрдэнэчимэг гишүүний содон сонин шуугиант сенсаацитай танилцацгаая.

“Бэнз” гишүүн:

УИХ-д гишүүн болохдоо  “Монос”-ын Л.Эрдэнэчимэг гишүүн болсоны дараа   “Бенз” хочтой болсон нь түүний анхны сенсааци. Тэрээр  “Бэнз- S500″ маркын авто машинтай болсноо  твиттэртээ  магтан жиргэж цахим хуудсаар нэг хараалгуулаад авсан цаг эртнийх. “Бенз S500″ чинь үнэхээр догь машин юм. Гражинд орохдоо өөрөө замаа сканнердаад орчихдог. Дээрээс нь домакрат байдаггүй ээ. Яагаад гэж асуухад дугуй солих шаардлагагүй” гэх зэргээр эд хөрөнгөөрөө гайхуулаад авсан даа эрхэм гишүүн маань.

Харин түүний энэхүү жиргээ хүмүүст таалагдсангүй. Фэйсбүүк хуудсанд түүний жиргээг тавьж, “Ишш. Энэ чинь одоо УИХ-ын гишүүн байх аа” хэмээн зарим нэг нь гайхаж байхад “саяхан авсан машинаа улсаар дүүрэн жиргэн гайхуулж байна”  хэмээн дургүйцлээ илэрхийлсэн.

Нугасны муухай дэгдээхэй төрөл арилжсан нь:

Мөнгөтэй хөрөнгөтэй бүхэн мэс заслын ширээн дээрээс цоо шинэхэн төрхтэй мэндлэх болсон энэ үед улс төрч хатагтай нар дутахыг хүссэнгүй. Тэдний хамгийн том төлөөлөл УИХ-ын гишүүн Л.Эрдэнэчимэг юм. Саарал ордны миссийн мисс тодотголтой болсон эрхэм гишүүн төрөл арилжсан мэт өөрчлөгджээ. Улс төрд хөл тавих үедээ “Нугасны муухай дэгдээхий” хочтой байсан Л.Эрдэнэчимэгийг тойргынхон нь хүртэл танихгүй хөглөж явсан сурагтай. Хамраа өндөрсгөж, давхраа оюулж, арьсаа татуулсан Л.Эрдэнэчимэг нээрээ л танигдахаа больсон.

Биелшгүй даалгавар ба архи:

  Сэдэв олдохгүй болохоор траншей, хогийн цэг дээр очоод нэвтрүүлэг хийчихдэг “бэлэн хоол” шиг бүх хүнд ойроор нь, архи тамхитай тэмцвэл од болох нь тун амархан. Эрхэм гишүүн Л.Эрдэнэчимэг баахан л тэмцлээ. Тэмцлийнхээ хүчинд “бэнз” хочоо “тамхи” хочоор солиод авлаа. Харин архийг бол барсангүй. Угаасаа барах ч үгүй байх, чадах ч үгүй байх.Тэр архийг чинь Эрдэнэчимэг байтугайн дийлэхгүй.

Нууц авьяас:

Улсын их баяр наадмаар гишүүн Л.Эрдэнэчимэг далд авьяасаа ил гаргасан. Түүний нууж явсан авьяас нь сур харвах гэвэл та итгэхэд хэцүү байсан. Цэцэгчин уяхан мэдрэмжит хатагтай арай буга намнана даа гэж нум эвшээдэггүй байлгүй гэж олон хүн хачирхсан сурагтай.

“Тамхины хяналтын тухай хууль” ярьсаар улиг болох шахсан Л.Эрдэнэчимэг гэнэтхэн ийм зүйл ярьж эхэлсэнд олон нийт багагүй цочирдов. Энэ хүн сур харвааг дэлхийн өв соёлд бүртгүүлэх хууль баталъя гээд явж байх юм биш байгаа хэмээн зарим нэг нь гоочилж байгаа сурагтай.

Олны үг ортой гэгчээр УИХ-ын гишүүн Л.Эрдэнэчимэг “Бид л үндэсний өв соёл, уламжлалаа дээдлэхгүй бол хэн дээдлэх юм. Монголчууд бүгдээрээ дээл өмсөх ёстой” гэх утгатай сургааль айлдаж байсан нь саяхан.

Архи, тамхи, хүчирхийлэл гурваас өөр айдас дагуулсан нэг зүйл бол хууль бус эм:

 “Монос” группийн харьяа эмийн сангийн эмзүйч 21 настай бүсгүй 16 нярайн аминд хүрэх шахсан мэдээлэл олны анхаарлын төвд орж ирсэн. Өөрөөр хэлбэл, 23 нярайд нойрсуулах эмийг том хүний тунгаар өгч, үүнээс болж 16 нярай эмнэлэгт хүргэгдсэн билээ.

Тус эмийг “Монос”-ынхон  зөвшөөрөлгүй борлуулж байсан гэх мэдээлэл ч тарж бүх эмийн сангуудыг нь хаах дээрээ тулсан ч одоо хэр оршин тогтносоор. Тухайн үед 16 нярай үхэл амьдралын заагт байхад эрхэм гишүүн Канадад туршлага судалж явж шуугиан тариад авлаа. Архи, тамхи, хүчирхийлэл гурваас өөр айдас дагуулсан нэг зүйл бол хууль бус эм, эмийн хяналтгүй байдал гэдгийг судлаад ирээсэй, эрхэм гишүүнээ хэмээн хэвлэлүүд ярьж байлаа.

Туулайг агнасан нь:

Туулай агнасан зургаа цахим хуудаснаа тавьж олны нүд чихийг сортойлгоод авсан түүнийг ямар зэвсэгээр туулайгаа агнасан бол хэмээн асуултууд хөвөрсөн. Түүний чаддаг зүйлүүдийн нэг нумаар харваж агнасан гэх нэгэн байх. Гэвч тэр тун өвөрмөцөөр буюу бүргэдээр туулайг бариулж зохион байгуулалтайгаар ан хийж олны анхаарлыг хэсэгтээ татсан гэдэг нь ил болсон билээ. Энэ болчимгүй үйлдэл бусад гишүүдийн нэр хүндэд ноцтой нөлөөлөх аюултай бөгөөд УИХ-ын эмэгтэй гишүүд ялангуяа энэрэл нигүүсэл, хайр халамжийг түгээж байх эрхэм үүрэгтэй УИХ-ын эмэгтэй гишүүн өөрөө ард түмнээсээ уучлалт хүсэх байх гэсэн ч эрхэм гишүүн  уучлал гуйх нь бүү хэл тайлбар хийгээгүй. Солонгосын захын жүжигчин гэхэд л татвараа төлөөгүй мартсанаасаа болж ард түмнээсээ уучлалт гуйдаг . Харин манайд бол эрхэм төрийн түшээд маань гаргасан алдаанаасаа болж “уучлал гуйх” чадваргүй гэдэг нь Л.Эрдэнэчимэгээс гишүүнээс  тодорхой харагдаж байгаа юм.

Ордны “sexy girl”:

Шар ордонд ороход дресс-кодонд нэлээд өндөр шалгуур тавьдаг. Жинсэн өмд, оготор банзал гээд хориглосон заалтууд УИХ-ын гишүүдэд ч хамааралтай. Гэвч зарим улс төрч эмэгтэйд энэ шалгуурууд үйлчилдэггүй бололтой. “Бенз” хочит УИХ-ын гишүүн Л.Эрдэнэчимэг хатагтай ордонд мини юбка өмсөж ирснээр эрэгтэй гишүүдийнхээ анхаарлыг татаж “sexy girl” хочтой болсон. 

Эрхэм гишүүний цагаан сарын бэлэг:

Хэзээд хэрүүл шуугианыг дагуулсаар ирсэн Л.Эрдэнэчимэг Цагаан сараар яаж чимээ шуугиангүй өнгөрөөхүү гэсэн шиг сонгогдсон дүүргийнхээ ахмадуудад эм тариа бэлэглэж “нүдний булай” болоод авсан юм. Эмийн сангынхаа үлдэгдэлээ тун овжин ашиглахыг хүссэн хэдий ч түүний содон бэлгүүдийг дүүргийнхэн ахмадууд хүлээж авахгүй буцааж шидсэн юм. Юу гэхээр Сонгинхайрхан дүүргийнхээ бүхий л ахмадуудад машины эмийн сан болоод, хөлийн уян боолт тараасан бөгөөд цагаан сарын бэлэг хэмээн тайлбарласан. Гэвч түүний энэ бэлгийг ахмадууд нь ингэж тайлбарласан юм. “Биднийг хөл гараа хугалж хэвтэрт ор гэсэн шиг билэггүй  бэлэг өгч биднийг гутаан доромжиллоо” хэмээн бэлгийг нь авсан газраа очиж өгсөн явдал түүний дараачийн сенсааци байв.

Эрхэм гишүүн Л.Эрдэнэчимэг дахиад ямархан сюрприз барихыг харах л үлдлээ.

Эх сурвалж: www.grandnews.mn