Хариуцлага хүлээдэггүй, баялаг бүтээдэггүй, хамгийн амархан баяждаг бизнес бол төрийн дунд тушаалаас дээш бүх шатны алба гэж хэлэхэд буруудахааргүй болжээ. Тиймдээ ч ийшээ хүмүүс үхэн хатан тэмүүлцгээдэг. Ялангуяа УИХ гэдэг зүгээр л мөнгө халааслах уурхай гэлтэй. УИХ-ын гишүүд эрх зөрчилтэй хууль дээр кноп дарж өгөхөд шууд л 500 сая төгрөгийн авлига авдаг, 100 сая төгрөг бол жишиг болсон үнэ гэнэ.

УИХ-ын гишүүд шинээр хууль санаачилж оруулж байгаагийн ард тэрбум тэрбумаар мөнгө эргэлдэж байдаг, мэдээж санаачилсан хууль нь лобби, авлигагүйгээр явахгүй учраас энэ. Зөрчилтэй кноп дарж өгөөд л 500 саяар нь халааслаад байвал 4 жилд овоо их мөнгө цугларах нь ээ. Түүнийхээ өчүүхэн жаахан хувийг сонгуулиар цацаад үлдсэн нь халаасанд нь үлдээд байхаар ийшээ үхэн хатан зүтгэхээс ч яахав. Ирэх жил дараагийн сонгууль болно. 4 жил хагарталаа баяжсан энэ нөхдөд хэн хариуцлага тохох вэ, эсвэл эднийг дахиад л сонгох уу?

Эх сурвалж: Grandnews.mn