Яг л загас
Жил бүрийн Алтан сарнайг чимдэг сайхан хосууд бол яах аргагүй Д.Сумъяабазарын гэр бүл. Мисс бүсгүй энэ жилийн Алтан сарнайг хамгийн үзэсгэлэнт бүсгүйт байсан гэхэд болно. Мөнхийн залуу гэх тодотголыг аваад байгаа Мичидмаагийн энэ жилийн гоёл нь түүнийг яг л үлгэрт гардаг загас шиг харагдуулж эр нөхөрөө чимлээ.
Их хотын босс хатагтайн чимэг
МАН-ын залуу лидер ГОК-ийн Г.Ганзоригийн хүү Г.Тэмүүлэнгийн гэргий С.Энхзул Алтан сарнай наадмын сарнайнуудын нэг. Жил бүр хүрэлцэн ирлэг хосууд энэ жил нэлээд хоцронгуй хүрэлцэн ирсэн бөгөөд өмссөн даашинз нь өөгүй сайхан бүсгүйг улам бүр өөгүй тэгш сайхан харагдуулна лээ.
Алтан сарнайн амьд тогос
Дахиж хэзээ ч дуулахгүй гэж цочир мэдэгдсэн Н.Учрал өдгөө Темон нэрээ ч мартсан гэдэг. МАН-ын ирээдүйн лидер Учрал намба сууж хайртай гэргийдээ халамжтай гэж жигтэйхэн гэж ойр тойрныхон магтдаг бол тэрээр Алтан сарнайд амьд тогос болох шахсан сайхан гэргийгээсээ алхам ч холдохгүй сугдан халамжилж байна лээ. Сэлэнгэ бүсгүй эртнээс захиалан Алтан сарнайн амьд тогос болохыг хүссэн бололтой. Тэрээр хүсэлдээ хүрч бусдаас өвөрмөц содон байж чадсан. Make-up, гар дахь саатай наалт нь хүртэл олноос онцгойруулж Учралыг уулга алдуулсан лавтай.
Эрхэмсэг бөгөөд тансаг
Орчин үеийн даашинзны загвараар үндэсний даашинз тусгайлан захиалж хийлгэсэн гишүүн С.Бямбацогтын гэргий ч залуу бүсгүйчүүдээс дутсангүй гоёсон байна. Тэр үйл ажиллагаанд оролцоод байдаггүй Ц.Ганцэцэг хатагтай шаргал өнгийн үндэсний хэв маягтай, сувдаар чимэглэсэн энэхүү даашинз нь түүнийг бүрэн дүүрэн эрхэмсэг харагдуулж байна.
“UFC”-ийн хатагтай
Богино хугацаанд Монголын зах зээлд өөрийн байр сууриа эзэлсэн компани бол “UFC” групп. Дотоодын томоохон байгууллагад туршлага хуримтлуулан, улмаар хувийн бизнесээ эхлүүлж өдий зэрэгтэй авч яваа залуусын нэг тус группын гүйцэтгэх захирал Н.Цэрэнбат. жил бүр “Алтан сарнай” наадамд ганцаараа ирдэг байсан энэ анх удаагаа гэргийн хамт саатсан нь энэ.
М.Сонор
Сэтгэгдэл (7)