Х.Баттулга нарын найман гишүүнийг намаасаа хөөх тогтоолыг Ардчилсан намын Хяналтын хорооноос гаргасан. Тэгвэл энэ тогтоолыг шийдвэр болгох эсэх асуудлыг  ҮЗХ шийднэ гэдгийг тус намын  Ерөнхий нарийн бичгийн дарга Ц.Оюундарь хэллээ. Тэрбээр “Хяналтын хорооны  тогтоол дангаараа хүчин төгөлдөр биш. Хяналтын хорооны тогтоолыг ҮЗХ дэмжвэл хүчин төгөлдөр болно. ҮЗХ өнөөдөр хуралдаж, тэр асуудлыг мөн шийднэ... Намаас хөөгдсөн ч тэр хүмүүс УИХ-ын гишүүн хэвээрээ байна. Сонгуулийн үр дүнгээрээ олон суудал авсан нам Засгийн газраа байгуулах учиртай. Тэгэхээр  АН засгаа байгуулаад явна.” хэмээн ярьж байна.