Улаанбаатар хотын хөгжил цэцэглэлтийг түргэтгэх цогц төлөвлөгөөг боловсруулсан гэх экс Ерөнхийлөгч Н.Энхбаяр тун удахгүй болох МАХН-ын хуралдаа ирж оролцохоор болсон гэх мэдээллийг намынхан нь өгч байгаа юм. МАХН-ын байрны өмчлөлтэй холбоотой асуудлаар дахин хуулийн байгууллагын үүдийг сахихад хүрсэн гэх тэрбээр улстөрийн талбартаа эргэн ирэхээр шийдсэн нь лавтай байна. Тэрбээр өнгөрсөн хугацаанд БНСУ-д байж, эмчилгээ хийлгэж, эрүүл мэнддээ чамгүй анхаарал хандуулсан. Хажуугаар нь Монголд буддын шашныг дэлгэрүүлэх төсөл хэрэгжүүлэх чиглэлээр Солонгосын буддын сүм хийдүүдийн хүмүүстэй удаа дараагийн уулзалтуудыг хийсэн юм билээ. Мөн тус улсад байх хугацаандаа Ганжуур, Данжуурыг болон нэр алдартай зохиолчдын бүтээлүүдээс эх хэлнээ хөрвүүлсэн гэнэ. Тэгэхээр тэр зүгээр суугаагүй, нэлээн ихийг зүлгэж суусан байж таарлаа. Түүнчлэн нутагтаа тун удахгүй газардах нь ээ.
Б.Билэгт
Сэтгэгдэл (1)