Сүхбаатар аймагт өрсөлдөж УИХ-д орж ирсэн М.Зоригт  гишүүнийг саваагүй нэгэн гэхэд болохоор.  Twitter, Facebook-ийн орон зайд дур зоргоороо тонгочиж байдаг түүнээс нэгэн жиргээч   “Та ихэвчлэн хөдөө байдаг уу, энд ордонд ажиллаж байх ёстой биз дээ” хэмээн асуухад  “Наад ордонд чинь агаар дутаад хэцүү юм” гэж хариулсан удаатай. Ер нь бол өөрийн санаж бодсоноо ил тод илэрхийлэх талбараа Twitter гээд бат итгэчихсэн гэхэд ч болохоор. Ямартаа л төрийн ордонд өөрийнхөө туслахаар ажилладаг хүмүүсийнхээ сандал ширээний асуудлыг ярьж, хариуцсан хүнээс нь жиргээгээр дамжуулан сандал, ширээний асуудлыг шийдэж өгөөрэй хэмээн бичиж байхав.