Дэлхий дахин жил бүрийн наймдугаар сарын 1-7-ныг хүртэлх өдрүүдийг “Хүүхдийг эхийн сүүгээр хооллохыг дэмжих өдөр” болгон тэмдэглэсээр ирсэн. Энэ өдрийн хүрээнд манай улс олон арга хэмжээ зохион байгуулж байгаа бөгөөд Налайх дүүргийн Эрүүл мэндийн нэгдлээр зочилж, хүүхдээ сүүгээрээ хоолож буй залуу ээжүүдтэй УИХ-ын гишүүн Г.Уянга, НҮБ-ын Хүүхдийн сангийн суурин төлөөлөгч Мохамед Малик Фоллочиж нар очиж уулзжээ.

Г.Уянга гишүүн өөрийн твиттер хуудсандаа хүүхдээ хөхүүлж буйгаа зургаа байршуулж “Ээжүүд ээ, хүүхдүүдээ 6 сар хүртэл нь дагнан хөхөөрөө хооллож эрүүл Монголын ирээдүйг өсгөцгөөе!” хэмээн уриалсан байна.

Өмнө нь тэрээр нөхрийнхөө төрсөн өдрөөр хайртайгаа илэрхийлж “Өнөөдөр миний хань 39 нас хүрч байна. Чамдаа төрсөн өдрийн мэнд хүргэж, чанга тэврэн үнсье. БААТАРХУЯГ АА, БИ ЧАМД ХАЙРТАЙ” хэмээн бичиж байсан. Эрхэм гишүүнийг хувийн амьдралаа ч ард түмнээс нуудаггүй, шаардлагатай үед ажил хэрэгтээ ашиглачихдаг олонтой хүн гэж хүмүүс элгэмсүү хүлээж авч байна. Нээрээ төрийн бүсгүйчүүдээс хэн ч хүүхдээ хөхүүлж буй зургаа олонд дэлгэсэн удаагүй юм байна шүү.

Н.Дарий