“Автомашингүй өдөр” тохиож, албан хүчээр ч гэлээ төмөр хүлгээ гэртээ сойсон хотынхон алхаж, гүйж, дугуй унаж, агаарт нэг өдрийг өнгөрүүлсэн билээ. Тэдэн дунд гишүүд, сайдууд хүртэл хамрагдаж телевизийн дүрс, сэтгүүлчдийн хараанд зарим нэг нь албан хүчээр өртсөн бололтой.

Хамгийн их анхаарал татаж гүйсэн нэгэн бол Соёл, спорт, аялал жуулчлалын сайд Ц.Оюунгэрэл байсан гэж болно. Соёлын сайдын ийнхүү гүйж байгаа зураг цахим ертөнцийнхөнд хөөрхөн өгөөш болж, өдөржингөө энэ зураг хэн бүхний анхаарлыг татсан юм. Тухайлбал, Соёл, спорт, аялал жуулчлалын сайдыг  цул бэлгэдэл юм гэж твитерээр жиргэжээ. Адтай жиргээчид түүнийг туфль -соёл, футболка-спорт, саравчтай малгай-аялал жуулчлал, брюк-төрийн албан хаагч, гvйлт-Батаар динозавр, ТВ баг-PR хэмээн жиргэж Соёлын сайд гүйлтээр хичээллэхдээ хүртэл өндөр өсгийт өмсдөг юм байна шүү гэж тохуурхсан байна. Үнэхээр л онож хэлсэн байгаа биз. Өмнө нь камертай оператор аахилж, сайд нь өндөр өсгийт дээрээ билэгдлийн чанартай маасайтал инээн гүйх марзан зураг ийн олон нийтийн сүлжээний од болов.

М.Сонор