Хэн ч хэзээ ч үзэл бодол, итгэл үнэмшлийнхээ төлөө хэн нэгнээс шагнал урамшуулал горьдох ёсгүй л дээ, уг нь.

Тийм ч учраас саяхны 1990 –ээдхэн оны нийгмийн өөрчлөлтийг зүрх сэтгэлээрээ дэмжиж явсан хүмүүс өөрсдийгөө цагаан морин жил төв талбайд жагсаж явлаа гэж бахархдаг болохоос албан тушаал, амин хувийн амьжиргаа, туслалцааны тухай ярьдаггүй.

Саяхны мэт боловч энэ түүхэн үйл явдлын оролцогчид гэх хүмүүс саяхнаас сонин, сонин зүйл ярьдаг болсон гэнэ, ардчиллын партизан л юм чинь заавал сайд, дарга байх ёстой ч гэх шиг.. 

Гэтэл зарим нь ардчиллыг жинхэнэ өлгийдөө байхад нь дэмжиж байсан бид амьдрал ч үгүй, ажил ч үгүй болсон гэх.

Ийн арчиллыг дэмжиж явснаараа бид юу ч үгүй хоцорсон гэж гомдоллох зарим хүний “элэг”-ийг дэвтээхийн тулд “Женко” хэмээх Х.Баттулга дээхнэ үед ганц, нэг хүнд өрөө байр бэлэглэсэн л гэдэг юм билээ.

Түүнийнх нь  төлөө “Женко”  Баттулгад ардчилсан хувьсгалд оролцож байснаасаа ч илүү баярладаг хүмүүс байдаг л байх.

Бас давхар дээл тайлуулах алдарт хууль батлагдахгүй “унахад” сайн дураараа өөрөө сайдаасаа огцрох өргөдлөө өгч “иргэний зориг” гаргасан Халтмаагийн Баттулгыг бахархан сайшаах ч хүн байгаа л байх.

Харин чингээд давхар дээлээ тайлангаа АН-аасаа гарч, МоАХ гэсэн нам байгуулах гэж байгаа гэсэн үгийг үнэмших гээд үзвэл яах бол?

МоАХ уг нь хэн нэгэнд харьяалагдахааргүй л нэр. Нам байгуулахыг дэмжигчид байгаа бол гомдогсод хийгээд хоёр өрөө байрныхан л байх болов уу даа.

А.АНАНД