Х.Тэмүүжингээ Хууль зүйн сайдаас огцруулж, Р.Бурмаагаа намаасаа хөөх болсон Ардчилсан намынхны дотор цусгүй тулаан дэгдсэн гэгдэж буй.

Энэ тулаан даваа гаригийн шөнө болсон Үндэсний зөвлөлдөх хорооны хурлаар бүр ч ил болж, далд тулалдаж байсан нөхөд нударга зөрүүлсэн сурагтай.

АН-ынхны нанчилдаанд тэмцэгч Ж.Батзандан гол дүрд тоглож, Н.Алтанхуягийн амин хамгаалагч болчихоод байгаа С.Баярцогт руу чулуу нүүлгэж, барьцалдаж авах дээрээ тулсан гэнэ.

Ямартаа ч шөнөжин нанчилдсан АН-ынхан Р.Бурмаагаа ч, Х.Тэмүүжингээ ч буцаахгүй болж, намын дарга Н.Алтанхуяг эсэргүү санал өгсөн дөрвөн гишүүнтэйгээ нэг бүрчлэн уулзаж, сэтгэл санааг нь товхинуулсан гэсэн мэдээлэл байна. Болж дээ, эвтэй найртай амьдарцгаа даа, Ардчилсан намынхаан.

А.АНУ